Боловсрол Шинжлэх Ухааны ҮЭ-ийн Холбооны дарга З.Цогтгэрэл Сүхбаатарын талбайд суулт хийж, мэдээлэл өглөө. 

Тэрбээр "Цалин хөлсний асуудлаар өнөөдрийг хүртэл бичиг цаас, уулзалтуудыг хийсээр байсан боловч үр дүнд хүрсэнгүй. Иймд өнөөдрөөс эхлээд дараагийн тэмцэл хөдөлгөөн болох жагсаал цуглаан хийх гэж байна. Миний хувьд боловсролын салбарын 87 мянган гишүүнийг төлөөлж, суулт зарлаж байна. Ажилласаар, ядуурсаар боловсролын салбарт ажиллах хүнгүй болж байна. Өнөөдөр багш нарын цалин нэг сая гарчихлаа, хоёр сая хүрсэн гээд Боловсролын сайд яриад байгаа боловч бүгд ийм цалингаар цалинжихгүй байгаа. Иймд гүйцэтгэлд суурилсан цалингаар хэдэн хүн цалинжиж байгаа вэ гэдэг талаар бид мэдээлэх гэж байна.  

Боловсролын салбарт ажиллаж буй ТӨҮГ ажилчдын доод цалин хөдөлмөрийн хөлсний доод хэмжээнээс 15 мянган төгрөгөөр л илүү байгаа. Энэ салбарт олон жил ажилласан хүмүүсийн хөдөлмөр талаар болох гээд байна. Багшийн цалин улсын дундаж цалингаас 2,3 дахин дээгүүр, ТӨҮГ-ын ажилчдын цалин хөдөлмөрийн хөлсний доод хэмжээнээс 2,3 дахин их баймаар байна.

Суурь цалинг тогтоож байж Боловсролын салбар оршин тогтоно. Нэг багш 30-35 хүүхдэд хичээл заах ёстой бол, өнөөдөр 60-65 сурагчид хичээл зааж байна. Эдгээр хүмүүсийн ажлын ачаалал маш их, үнэлэмж маш бага байна. Залуу багшийн нэг цагийн хичээлийн хөлс нь 202 төгрөг.

Оюуны үнэлэмжтэй болгооч. Боловсролын салбарын багш ажилтнуудын цалин хөлсийг нэмэгдүүлэх асуудлыг УИХ, Засгийн газар анхаарал хандуулж авч хэрэгжүүлэх хүртэлх хугацаанд тэмцлээ зогсоохгүй" гэв. 

Д.Батчулуун