Үндэсний их баяр наадам, Ардын хувьсгалын 102 жилийн ойн баяр наадам хоёр хоногийн дараа эхэлнэ. Баяр наадмын бөхийн барилдаанд 512 бөх зодоглох бөгөөд бүртгэл маргааш өндөрлөнө. Одоогийн байдлаар наадамд барилдахаар аварга цолтой гурван бөх бүртгүүлсэн нь дархан аварга Г.Өсөхбаяр, аварга Г.Эрхэмбаяр, О.Хангай нар байна. Г.Өсөхбаяр дархан аварга цолтойгоор найм дахь наадамдаа зодоглох гэж буй бол Г.Эрхэмбаяр аварга цолтойгоор ес, О.Хангай аварга цолтойгоор анхны  Улсын баяр наадамдаа барилдахаар бүртгүүлжээ.