БАРИМТ 1
Японы эзэн хаан Акихито зургаан жилийн өмнө буюу 2019 оны тавдугаар сард хаан ширээгээ хүү Нарүхитодоо залгамжлуулсан. Тиймээс Акихото хаан тус улсын сүүлийн 200 жилийн түүхэнд амьд ахуйдаа хаан ширээнээс буусан анхны хүн болж байжээ.
БАРИМТ 2
Япон Улсын Цог Жавхлант Эзэн Хаан Нарүхито хаан ширээнд заларснаар “Рэйва” он тоолол эхэлсэн.
БАРИМТ 3
Тэрбээр Японы 126 дахь хаан юм. "Рэйва" хэмээх нэрийн утгын талаар албан ёсны тайлбарыг Ерөнхий сайд Абэ Шинзо хийж байжээ. Он тооллын нэрийг анх удаа Японы эртний яруу найргийн эмхэтгэл Манъёошюү зохиолын 5-р ботийн 32 дахь шүлгээс ишлэн авсан байна.
БАРИМТ 4
Нарүхито хаан 1989 оны нэгдүгээр сарын 7-нд өвөө, эзэн хаан Хирохитог нас барсны дараа хаан ширээ залгамжлагчийн статустай болсон юм.
БАРИМТ 5
Тэрбээр дөрвөн наснаасаа эхлэн зөвхөн Японы хааны удам болон язгууртан гэр бүлүүдийн хүүхдүүд хүмүүждэг Гакүшин боловсролын системийн дагуу боловсрол эзэмшсэн аж.
БАРИМТ 6
Эзэн хааны гэр бүлийнхнээс хамгийн анх удаа гадаадад суралцсан хүн бол Нарүхито юм. Тэрбээр 1983 онд Оксфордын их сургуулийн Мертон коллежийн англи хэлний 3 сарын гүнзгийрүүлсэн дамжаанд суралцахаар Их Британийг зорьсон бөгөөд англи хэлийг сайтар сурч Япондоо эргэж ирснийхээ дараа Гакүшюин их сургуульдаа үргэлжлүүлэн суралцаж, 1988 онд түүхийн ухааны магистрын зэрэг хүртжээ.
БАРИМТ 7
1988 онд Токиогийн Гакушин их сургуульд түүхийн ухаанаар магистрын зэрэг хамгаалсан байна.
БАРИМТ 8
Японы эзэн хаан Нарүхито хатан Масакодоо хоёр удаа гэрлэх санал тавьж байж зөвшөөрүүлсэн гэдэг. Тэд 1993 оны зургадугаар сарын 9-нд Токио дахь шинто шашны Эзэн хааны сүмд хуримласан агаад ёслолд 800 гаруй зочин уригдаж, телевизээр 500 сая хүн үзсэн гэсэн баримт бий.
БАРИМТ 9
2005 оны арванхоёрдугаар сарын 1-нд Нарүхитогийн гэр бүлд ууган охин, гүнж Айко мэндэлсэн.
БАРИМТ 10
Нарүхито хаан теннис тоглох, ууланд авирах, гүйх, хийл хөгжим тоглох, морь унах дуртай гэнэ. Хийл хөгжмийг дөрвөн настайгаасаа заалгасан агаад их сургуулийнхаа оркестрт эрдүү хийл хөгжим тоглож явжээ.
БАРИМТ 11
Тэрбээр мөн бэйсболын үнэнч хөгжөөн дэмжигч агаад Японы мэргэжлийн бэйсболын лигийн “Yomiri Giants” багийн фен аж.
БАРИМТ 12
Японы Эзэн хаан 2007 оны долдугаар сард угсаа залгамжлагч хунтайж байх үедээ Монгол Улсад айлчилж байсан.
БАРИМТ 13
Эзэн хаан Нарүхито Дэлхийн усны нийгэмлэг, Дэлхийн усны комиссын хүндэт гишүүн. Түүнийг дэлхий дахин ирээдүй хойчид цэвэр усны нөөцийг үлдээхээр тэмцэж буй шаргуу хөдөлмөрөөр нь мэддэг.
БАРИМТ 14
Япон Улсын Цог Жавхлант Эзэн Хаан Нарүхито, Эрхэм дээд Хатан Масако нар энэ өдрүүдэд манай улсад айлчилж буй агаад анхны төрийн айлчлал юм.
БАРИМТ 15
Япон Улсад “Рэйва” (Үзэсгэлэнт зохицол) он тооллыг эхлүүлсэн Цог Жавхлант Эзэн Хаан Нарүхито хаан сэнтийдээ заларснаас хойш 2023 онд Бүгд Найрамдах Индонез Улс, 2024 онд Их Британи, Умард Ирландын Нэгдсэн Хаант Улсад айлчилсан бөгөөд төрийн гурав дахь айлчлалаа Монгол Улсад хийж байгаа юм.
БАРИМТ 16
Нарүхито үүргийнхээ дагуу улс орондоо зарим чухал албыг гүйцэлдүүлж байсан. Тухайлбал, 1998 оныг хүртэл Наганогийн олимпийг зохион байгуулах хороонд ажиллаж байсан бол дараа нь Олон улсын олимпийн хороонд улсаа төлөөлөн суусан байдаг. 1994 оноос Японы Улаан загалмай нийгэмлэгийн хүндэт дэд ерөнхийлөгчийн үүргийг гүйцэтгэж иржээ.
БАРИМТ 17
Тэрбээр гидросфер буюу дэлхийн усан мандлын асуудлыг хөндөх болж, далайн бохирдлоос эхлээд цэвэр усны хангамжийн талаар лекц уншиж, НҮБ-ын Ерөнхий нарийн бичгийн даргын ус, эрүүл ахуйн асуудал эрхэлсэн зөвлөлийн хүндэт даргаар сонгогдож байв.
БАРИМТ 18
Түүний хувьд “Темза мөрөн бид хоёр” гэдэг номтой агаад цөөн тоогоор хэвлүүлж, худалдаагүй. Тухайн номыг 2006 онд англи хэлнээ хөрвүүлсэн байна.
БАРИМТ 19
Эзэн хаан болон хатан нь японы олон мянган жилийн түүх, соёлын өвийг тээгчид юм.Эзэн хааны гэр бүлийн амьдралын хэв маяг нь япончуудын сэтгэлгээ, хүмүүжил, ёс суртахууны хэм хэмжээг илэрхийлдэг байна.
БАРИМТ 20
Япон Улсын 126 дахь Цог Жавхлант Эзэн хаан Нарүхито, Эрхэм дээд Хатан Масако нар энэ жилийн Үндэсний баяр наадмын хамгийн хүндтэй зочид юм.
Сэтгэгдэл (13)