БАРИМТ 1
Эхний анги нь 2009 онд нээлтээ хийсэн шинжлэх ухааны зөгнөлт зохиол бүхий уг киноны зохиолыг Америкийн найруулагч Жэймс Камерон бичиж, өөрөө найруулсан. Киноны үйл явдал 2154 онд болох бөгөөд Альфа-центавр од гаригсийн системд хамаарах Пандора хэмээх сарны нэгэн адил хийн мандал бүхий гариг дээр асар их нөөцтэй анобтаниум элементийг олборлохыг дэлхийн хүмүүс зорьж буйг харуулна.
БАРИМТ 2
Уг киноны бүтээх санааг 1994 онд найруулагч Ж.Камерон сэдэж улмаар 80 хуудас бүхий кино зохиолыг бичсэн түүхтэй ажээ. 1997 онд Титаник киногоо бүтээсэнийхээ дараа буюу 1999 онд кино бүтээл болгох ажилдаа орох төлөвлөгөөтэй байсан хэдий ч Камероны санаа сэтгэлд тухайн үеийн техник хэрэгслийн үзүүлэлт төдийлөн хүрээгүй тул техникийн шинэ дэвшил гарч иртэл хойшлуулахаар төлөвлөсөн гэдэг.
БАРИМТ 3
Кинондоо зориулан 2005 оны зун Камерон сансар огторгуйн хэлийг зохиож, павильонаас авахуулаад кинонд ашиглагдах бүхий зүйлсийг 2006 он гэхэд бэлдэж эхэлсэн байна.
БАРИМТ 4
Кино бүтээх ажил үндсэндээ хоёр хэсгээс бүрдсэн юм. Кинонд өгүүлэх Пандора хэмээх харь гаригийн байгалийн гайхал татам дүр зураг, амьтан, ургамал болон байлдааны техник хэрэгслүүд зэрэг киноны нийт дүрслэлийн 60-70 хувийг компьютер график ашиглан бүтээжээ.
БАРИМТ 5
Хамгийн сонирхолтой технологи нь нави хэмээгдэх харь гаригийн хүмүүсийг дүрслэхдээ уламжлалт нүүр хувиргалтын аргаас татгалзаж, бодит жүжигчдыг тоглуулан тэдгээрийг үйл хөдлөлийг программ хангамжийн тусламжтайгаар виртуал ертөнцөд хувиргасан явдал юм. Үүний тулд жүжигчдийн бие болон барьж буй зэвсэг хэрэгслүүдэд олон тооны гэрэл ойлгогч мэдрэгчүүд байрлуулан, тайзны эргэн тойронд суурилуулсан 72-96 камер ашиглан 3 хэмжээст оройн зайд зураг авалт хийсэн байна.
БАРИМТ 6
Киноны нийт дүрслэлийн үлдэх 30 орчим хувь буюу энгийн хүмүүсийн зураг авалтыг хийхэд хамгийн сүүлийн үеийн 3D камер ашигласан байна. Кинонд онцлог дүрсний эффект бий болгох, бодит хүмүүсийн жүжиглэлт болон компьютер графикаар бүтээсэн виртуал дүрслэлүүдийг нэгтгэх технологи боловсруулахад төсвийн ихэнх хувийг заржээ.
БАРИМТ 7
Аватар кинонд үзүүлж буй дүр, дүрслэлүүд холливудын түүхэн дэх яамар ч кинотой харьцуулалтгүй гэдэгтэй санал нийлэх хүн олон байх. Мөн хүн байгалын холбоо, байгалиа хайрлаж хамгаалж байх ёстойг маш уран аргаар илэрхийлсэн байсан.
БАРИМТ 8
Аватар кино 2 тэрбум хол илүү долларын ашиг олж Америк болон Канадын болон дэлхийн кино ертөнцийн хамгийн их ашиг олсон кино бүтээлүүдийн жагсаалтад 12 жилийн турш ноёрхсон алдарт «Титаник» киноны амжилтыг давсан юм.
БАРИМТ 9
Аватар кино Оскарын шагналын Шилдэг бүтээл, Шилдэг найруулагч гэх зэрэг есөн номинацид нэр дэвшиж, «Шилдэг зураг авалт», «Шилдэг визуаль эффект» болон «Шилдэг санаа» зэрэг номинациар Оскарын шагнал хүртсэн бүтээл билээ.
БАРИМТ 10
Анх 2009 онд эхний анги нь цацагдаж байсан Аватор кино гуравдугаар анги өнгөрсөн оны сүүлээр буюу арванхоёрдугаар сард нээлтээ хийсэн. Яг одоо үзэгчдийн хүртээл болсоор буй. Харин дараагийн ангиуд 2029, 2031 онуудад гарахаар төлөвлөгдөж буй аж.
БАРИМТ 11
Энэхүү "Гал ба үнс" киноны зургийг 2022 онд "Аватар: Усны зам" киноны хамт авчээ. Кинонд баялгийн хөгжлийн удирдах газар (RDA) харь гаригийн Пандора сар руу ирсний дараа хүн төрөлхтөн болон Нави нарын хоорондох дайныг дүрсэлсэн байдаг. "Усны зам" киноны төгсгөлд Жейк Сулли болон Нейтири нарын гэр бүл усны Меткайина овог болон тэдний эв найрамдалтай амьдардаг халим шиг Тулкунуудын эсрэг явуулсан Баялгийн хөгжлийн удирдах газрын довтолгооныг сөрж амжилттай тэмцдэг. Харамсалтай нь, тэдний ууган хүү тулалдаанд амь үрэгдэж дуусдаг.
БАРИМТ 12
Аватар 3-т эхний хоёр киноны олон жүжигчид эргэн ирж байгаа бөгөөд тэдний тоонд Сэм Уортингтон (Жэйк Сулли), Зое Салданья (Нейтири), Сигурни Уивер (Др. Грейс Августин), Жоэл Дэвид Мур (Норм Спеллман), Жэк Чемпион (Жавиер 'Аалз). Сокорро), Стивен Ланг (Хурандаа Майлз Кварич), Британи Далтон (Лоак) нар байна. Мөн Кейт Уинслет, Клифф Кертис, Тринити Жо-Ли Блисс, Бэйли Басс, Жоэл Дэвид Мур, Эди Фалко, Дилеп Рао нар багтжээ.
Сэтгэгдэл (8)