БСШУС-ын сайд Ё.Баатарбилэг цаг үеийн асуудлаар тодрууллаа.

Энэ талаар тэрбээр “БҮТ болон холбогдох байгууллагуудтай нэлээд ярьж зөвлөлдсөн. Ерөнхий боловсролын сургуулийн V, IX, XII ангиуд төгсөлтийн шалгалт өгдөг. Энэ шалгалтыг энэ жил авахгүй. Ер нь анги дэвших шалгалтыг авах шаардлагагүй гэж үзэж байна. Аль ч  улсад анги дэвших шалгалт авдаггүй.

Нийт таван долоо хоног хичээлийн тасалдал үүсч байгааг талыг нь теле хичээлээр нөхөж байна Үлдсэнийг нь дөрөв, тавдугаар саруудын хагас сайн өдөр хичээллэж нөхнө. Мөн III улирлын амралтыг ашиглах учраас хичээлүүдийг бүрэн үзэж дуусна. ТВ хичээлээс авсан мэдлэгүүдээ давтан бататгах ёстой. Улсын шалгалтыг заавал үздэг гурав, дөрвөн хичээлээр авдаг. Зөвхөн энэ хичээл рүү анхаарч бусад хичээллийн агуулгыг орхигдуулж магадгүй учраас эртхэн ийм чиглэл өгөх хэрэгтэй гэж үзэж байна.

ЭЕШ ирэх зургадугаар 8-15-нд болно. Энэ жил заавал үзэх хичээлийн судлагдахуунаар авдаг. Өмнө нь нэлээд хүндрүүлж авсан бол энэ жил хөнгөрүүлнэ. Хүүхдүүд багш нартайгаа тулж ажиллах, зөвлөгөө авах хугацаа хомс байгаа учраас заавал үзэх сэдвээр авахаар чиг гарсан. Босго оноо 400 хэвээрээ байна. Мөн ЭЕШ-ын өмнө монгол хэл, бичгийн шалгалтыг авна. Энэ босгыг давсан сурагч ЭЕШ өгөх эрх үүснэ. Монгол хэл, бичгийн заавал мэдэх мэдлэгийн хүрээнд шалгалт авна” гэлээ.

Б.Лхам