Цагаан сарын баяр дуусч үүргээ гүйцэтгэсэн хэвийн боовоо яах вэ гэж бодож байгаа юм биш биз? Инээдэг байшин ТББ-ын зүгээс хэвийн боов хандивлах аяныг эхлүүлсэн байна. Тус байгууллага нь сайн дурын үндсэн дээр хэрэглэхгүй болсон, хуучин хувцасыг хэрэгтэй хүнд нь өгч үйл ажиллагаа явуулдаг ба энэ удаад сар шинийн баярын дараа хэвийн боовоо хогын цэг дээр хаяхгүй байхыг уриалжээ.

Тэд "Тээр жил хогийн цэгээр дүүрэн ул боов хаягдсаныг санаж байна. Хэрэв дэмий хаях гэж байгаа бол надад өгчихөөрэй. Манай оффисоос ирж хуучин хувцас авдаг авах хүмүүсийн зарим ар гэр нь ул боов идэж үзээгүй хүүхдүүдтэй байгаа. Таны идэхгүй тэр хэдэн ширхэг ул боов магадгүй нэг айлын 5н хүүхдийн амсаж ч үзээгүй амттан түүгээр ч зогсохгүй хэд хоног өлсөхгүй байх хүнс нь болох юм шүүдээ. Хэдий бид хуучин хувцас цуглуулаад хэрэгтэй хүнд нь тараадаг ч гэлээ гэнэтхэн нээрээ айлууд ул боовоо баярын дараа хаях байх хэцүү болдогийг санаад хийлээ" гэв. Хэрэв тэдэнтэй холбогдохыг хүсвэл дараах хаягаар очиж өгөх боломжтой.

Хаяг: Улаанбаатар их дэлгүүрийн замын ард Пийс молл худалдааны төвийн баруун хойно Сөүл зочид буудлын чанх ард 29-р байр зүүн тийш харсан саарал хаалга. Утас - 99822956 , 88103324

Т.Мөнхжаргал