УИХ-ын чуулганы нэгдсэн хуралдаан эхэллээ. Хуралдааны эхэнд УИХ-ын гишүүн Б.Пүрэвдорж үг хэллээ. Тэрбээр “Хаврын чуулган эхлээд хэд хэдэн тав дахь өдөр хэлэлцэх асуудалгүй гээд хуралдаан болоогүй. Хийх ажил багатай байна гэсэн үг.

Мөн нийгмийн бодлогын байнгын хороо хоёр гурван долоо хоног хууль хэлэлцэхгүй энд тэндхийн сонсгол хэлэлцсэн шиг ээ ингээд өнгөрч байна. Ирэх зургаадугаар сард үндсэн хуулийн өөрчлөлтийг хэлэлцэж магадгүй. Ингэснээр бусад хуулийг хэлэлцэх асуудал хойшилно.  Тиймээс бидний өргөн барьсан тэтгэвэр тогтоохдоо долоон жилийн дунджаар биш, таван жилийн дунджаар тогтоох тухай хуулийн төслийг хэлэлцэж өгөхийг шаардаж байна. Нийгмийн бодлогын байнгын хорооны дарга энэ тал дээр ерөөсөө ажил хийхгүй байна. Ажлын хэсгийн дарааллыг хэлэлцэх асуудлын дараалалд оруулж өгөхгүй байна.

Ажлын хэсэг хуралдуулах боломжийг УИХ-ын дарга гаргаж өгөөч. Энэ хуулийн өөрчлөлтийг хийснээр ирэх жилийн төлөвлөгөөнд өөрчлөлт орох болно. Хөшөөнд болохоор мөнгөө зардаг, амьд бурхад ахмадуудаасаа таван тэрбум төгрөг харамладаг. Ийм эрх баригч байж болохгүй.

Чингэлтэй дүүргийн Ялалтын талбай дээр ахмадуудаа дуудаж, энэ хуулийг хэлэлцүүлэхийг шаардсан цуглааныг зохион байгуулна” гэв.

Д.Батчулуун