БАРИМТ 1
Монгол Улс Цөлжилттэй тэмцэх тухай НҮБ-ын конвенцод нэгдсэн орсон 197 орныг цөлжилт, газрын доройтол, ган гачигтай тэмцэх ажлыг урагшлуулах зорилгоор нэгтгэсэн дэлхийн томоохон хурлыг 2026 онд зохион байгуулах эрхээ өнгөрсөн жил баталгаажуулсан.
БАРИМТ 2
НҮБ-ын Цөлжилттэй тэмцэх суурь конвенцод нэгдэн орсон талуудын бага хурлыг хамгийн анх 1997 онд Италын Ром хотод зохион байгуулж байжээ. Уг конвенцод дэлхийн 196 орон нэгдсэн орсон байдаг. Үүний нэг бол Монгол Улс.
БАРИМТ 3
НҮБ-ын Цөлжилттэй тэмцэх суурь конвенцод нэгдэн орсон талуудын бага хуралд конвенцид нэгдсэн улсууд оролцдог бөгөөд хурлын үеэр улс орнууд цөлжилт, газрын доройтол, ган гачигтай тэмцэх бодлого, санхүүжилт, хамтын ажиллагааг хэлэлцдэг.
БАРИМТ 4
Цөлжилт: Цөлжилт нь зөвхөн нэг улс орны асуудал биш бөгөөд газрын доройтолд өртсөн бүс нутаг дэлхийн эх газрын 42 хувийг эзэлж байна.
БАРИМТ 5
Манай улсын газар нутгийн 76.9 хувь нь цөлжсөнөөр малчдын амьдрал, биологийн олон янз байдал, хүнсний аюулгүй байдалд ноцтой нөлөөлж байгааг шийдэх шаардлагатай байгаа. Харин дэлхийн хуурай газрын дөрөвний нэг нь цөлжих аюултай тулгараад буй.
БАРИМТ 6
Цөлжсөн бүс нутагт 1.5 тэрбум орчим хүн оршин суудаг бөгөөд тухайн ард иргэдийн амьжиргаа, эрх тэгш байдлыг бууруулах зэрэг эдийн засгийн сөрөг үр дагавар ихтэйд тооцогдож байна.
БАРИМТ 7
Улмаар цөлжилтөөс үүдэн гарах хор хохирол дэлхийн хэмжээнд жилд 42 тэрбум ам.долларт хүрчээ.
БАРИМТ 8
Монгол орон газар зүйн байрлал, эх газрын эрс тэс уур амьсгал зэргээсээ хамааран дэлхийн дулаарал, уур амьсгалын өөрчлөлтөд хамгийн эрчимтэй өртөж буй 10 орны нэг болсон.
БАРИМТ 9
Сүүлийн 80 жилийн уур амьсгалын үндсэн үзүүлэлтийн ажиглалтаар жилийн дундаж агаарын температур 2.26 градусаар дулаарч, хур тунадасны хэмжээ ихээхэн буурч байгаа нь цөлжилтөд илүү эмзэг болж байгааг илтгэнэ.
БАРИМТ 10
Ялангуяа, байгалийн өвөрмөц унаган төрх, дэлхийд ховордсон зэрлэг амьтан, ургамлын зүйлээр нэн баялаг Монголын говь нутаг илүү өртөж байна. Хэдэн арван зууны туршид нүүдэллэн амьдарч, бэлчээр нутгаа шүтэн идээшилж ирсэн энэ бүс нутагт уур амьсгалын өөрчлөлт болон газар ашиглалтын зохисгүй үйл ажиллагааны үр дагавар тод ажиглагдсаар.
БАРИМТ 11
Монгол орны говь цөлийн бүс нутагт илрэх сөрөг нөлөөллийг бууруулах, бүс нутгийн төлөөлөл болох экосистемийн хэв шинж, зэрлэг амьтан, ургамлын амьдрах, ургах орчныг хамгаалах, хүн ардын эрүүл, амгалан амьдрах нөхцөлийг бүрдүүлэх үйл ажиллагааг төлөвлөж, хэрэгжүүлэх асуудал нэн чухлаар тавигдаж байгаа юм.
БАРИМТ 12
Иймд СОР17 хурлыг зохион байгуулснаар Монгол Улс тогтвортой газрын менежмент, нөхөн сэргээлтийн үйл хэрэгт тэргүүлэх үүрэгтэй оролцож, улс орнуудын Засгийн газар, шинжлэх ухааны байгууллага, бизнес эрхлэгч, нутгийн иргэд, залуусын оролцоог нэмэх боломж бүрдэх юм.
БАРИМТ 13
Газрын доройтол: Газрын доройтол 3,2 тэрбум орчим хүний амжиргаанд нөлөөлж байна. Тухайлбал, жил бүр дэлхий дээр 12 сая гектар газар доройтож, үржил шимээ алдаж байна.
БАРИМТ 14
Газрын доройтол хүнсний аюулгүй байдал, усны нөөц, уур амьсгалын өөрчлөлт зэрэг олон асуудалтай шууд холбоотой.
БАРИМТ 15
COP хурлууд нь газрын доройтлыг бууруулах дэлхийн зорилт (Land Degradation Neutrality)-ийг хэрэгжүүлэхэд чухал үүрэгтэй.
БАРИМТ 16
Хурал болж байсан газрууд: Анхны COP хурал 1997 онд Rome хотод болсон бөгөөд энэ үеэр конвенцийн хэрэгжилтийн анхны дүрэм, журмуудыг баталсан.
БАРИМТ 17
2007 онд болсон COP8-ын үеэр цөлжилттэй тэмцэх асуудлыг газрын тогтвортой менежмент-тэй холбон авч үзэх бодлого илүү хүчтэй яригдаж эхэлсэн.
БАРИМТ 18
2011 онд Changwon хотод болсон COP10-оор “Changwon Initiative” санаачилга гарч, газрын доройтлыг бууруулахад улс орнуудын хамтын ажиллагааг нэмэгдүүлэх зорилт тавигдсан.
БАРИМТ 19
2013 онд Windhoek хотод болсон COP11-ээр Африк тивд цөлжилттэй тэмцэх тусгай дэмжлэгийн асуудлыг хэлэлцсэн.
БАРИМТ 20
2015 онд Ankara хотод болсон COP12-оор цөлжилттэй тэмцэх бодлогыг United Nations-ын Тогтвортой хөгжлийн зорилтуудтай (SDGs) уялдуулах шийдвэр гарсан.
БАРИМТ 21
2017 онд Ordos хотод болсон COP13-аар “Land Degradation Neutrality” буюу газрын доройтлыг тэнцвэржүүлэх дэлхийн зорилтыг хэрэгжүүлэхэд анхаарсан.
БАРИМТ 22
2019 онд New Delhi хотод болсон COP14-өөр “New Delhi Declaration: Investing in Land and Unlocking Opportunities” тунхаглал батлагдсан. COP14-ийн үеэр дэлхий даяар 1 тэрбум га доройтсон газрыг сэргээх шаардлагатай гэж судалгаагаар танилцуулсан.
БАРИМТ 23
2022 онд Abidjan хотод болсон COP15-аар газрын доройтлыг бууруулахад санхүүжилтийг нэмэгдүүлэх талаар олон улсын амлалтууд гарсан. COP15-ын үеэр “Abidjan Legacy Programme” хөтөлбөрийг танилцуулж, Африкт газрын доройтлыг бууруулах зорилт тавьсан байдаг.
БАРИМТ 24
2024 онд Саудын Араб Улсын Эр-Рияд хотод СОP16 зохион байгуулагдаж байсан.
Сэтгэгдэл (2)