Хар ирвэс киногоороо Холливүүд төдийгүй Дэлхийг донсолгоод байгаа Chadwick Aaron Boseman 1977 оны 11 сарын 29-нд Өмнөд Каролина мужийн Андэрсон хотын хөдөө хэсэгт Кэролин болон Лэрой Boseman нарын хүү болон мэндэлжээ. Түүний ээж сувилагч бөгөөд аав нь нэхмэлийн үйлдвэрт ажиллахын хажуугаар хувийн бүрээс оёх бизнесээ мөн ажиллуулдаг байжээ. Boseman T. L. Hanna ахлах сургуулийг 1995 онд төгсөн бөгөөд дунд сургуульд байхдаа анхны жүжгийн зохиол болох Crossroad зохиолоо бичиж, түүний ангийн нэг хүүхэд хүний гарт буудуулж нас барсны дараа уг жүжгээ сургуулийн тайзан дээр тоглуулж байжээ.Тэрээр Вашингтон хотын Ховард их сургуульд Урлагийн чиглэлээр суралцаж 2000 онд төгссөн байна.Түүний багш байсан Филисиа Рашард хожим түүний зөвлөгч болсон байдаг. Түүний багш мөнгө цуглуулж, Boseman болон түүний ангийн хэсэг оюутнууд Лондон дахь Англи Америкийн Драмын Академийн Оксфордын зуны хөтөлбөрт оролцох боломжтой болсон байна. Boseman кино бичиж найруулах сонирхолтой байсан бөгөөд жүжигчидтэй хамтран ажиллахын тулд жүжиглэх чадварт суралцаж эхэлжээ. Америкт буцаж ирснийхээ дараа тэрээр Нью Иорк хотын Дижитал Филм Академыг дүүргэж, Брүүклинд амьдрах болсноор жүжигчний карераа эхлүүлжээ. Boseman Нью Иоркын Шомбург хэмээх Африк Америкчүүдын судалгааны төвд, дунд ангийн сурагчдад жүжгийн багшаар ажилладаг байв. Тэрээр 2008 онд жүжигчний карераа хөөхөөр Лос Анжеласт шилжин ирсэн байна. Boseman Христийн шашинтан болж хүмүүжсэн бөгөөд баптиз хүртэн сүмийн хоор дуу болон залуучуудын бүлэгт харьяалагддаг байжээ. Түүний хуучин явдаг байсан сүмийн номлогчийн хэлснээр тэрээр одоо ч итгэл үнэмшлээ алдаагүй хэмээжээ. Boseman Марвэл Кино Компанийн Black Panther киноны дүрд шалгуулахаасаа өмнө бурханд залбирсан хэмээн хэлсэн байдаг.
Boseman-ы тоголсон анхны уран бүтээл бол 2003 оны Third Watch Киноны нэгэн ангийн дүр байсан юм. Мөн Law & Order, CSI:NY, ER зэрэг цуврал кинонуудад дүр бүтээсэн байдаг. Тэрээр жүжиглэхээс гадна жүжгийн зохиол бичсээр байсан бөгөөд түүний бичсэн Deep Azure жүжиг Илинойс мужийн Чикаго хотын Congo Square театрт тоглогдож, 2006 онд Жосэф Жэффэрсөны наадамд нэр дэвшиж байжээ. 2008 онд тэрээр Lincoln Heights цуврал киноны дүрд тоголсон ба мөн The Express хэмээх анхны хамтарсан кинондоо дүр бүтээсэн байна. 2010 онд өөр нэгэн цуврал кино болох Persons Unknown кинонд дүр бүтээсэн байдаг.
Marvel Studios’ BLACK PANTHER
L to R: T’Challa/Black Panther (Chadwick Boseman) and Erik Killmonger (Michael B. Jordan)
Credit: Matt Kennedy/©Marvel Studios 2018
Boseman-ы анхны гол дүр 2013 онд гарсан 42 хэмээх кино байсан бөгөөд уг кинонд тэрээр бэйсболын од, багийн ахлагч Жэки Робинсоны түүхэн дүрийг бүтээсэн байна. Boseman уг кинонд шалгуулж байх үедээ East Village хэмээх газар Броадвэйн жүжиг найруулж байсан бөгөөд тухайн үедээ жүжигчний ажлаа зогсоон найруулагчаар ажиллахдаа бүрэн цагаа зарцуулж байсан юм. Түүнээс гадна 25 жүжигчин тус кинонд шалгуулсан боловч Boseman 2 удаа шалгуулсны дараа найруулагч Брайн Хэлэгландад түүний эрэмгий жүжиглэлт нь таалагдсан байна.2013 онд тэрээр мөн The Kill Hole кинонд гол дүрийг бүтээсэн бөгөөд уг кино 42 киног нээлтээ хийхээс хэдхэн 7 хоногийн өмнө үзэгчдэд хүрж байжээ.
2014 онд Boseman Draft Day кинонд эсрэг дүр болон Кэвин Костнэртэй хамтран тоголсон байна. Уг оны сүүлчээр Get on Up кинонд James Brown хэмээх гол дүрийг бүтээсэн байна. Мөн 2016 онд Египэтийн Бурхад кинонд Thoth хэмээх гол дүрийг бүтээжээ.
2016 онд Марвэл кино компанийн Ахмад Америк Иргэний Дайн кинонд Хар Ирвэсийн дүрийг бүтээсэн нь түүний Марвэлтэй хийсэн анхны кино байв. Тэрээр 2018 онд хийсэн Вакандагийн түүхийг өгүүлэх Blach Panther киноны гол дүрд тоголсон нь гайхалтай тэсрэлт болсон ба мөн энэ жил гарах Avengers: Infinity War кинонд тоглох нь тодорхой болоод байгаа юм.
