Өнөөдөр 2018 оны гуравдугаар сарын 6. Энэ жилийн 65 дахь өдөр бөгөөд он дуустал 300 өдөр үлдлээ. Энэ өдөр хүн төрөлхтний түүхэнд ямар үйл явдлууд болж байв?
1521 — Фернан Магеллан дэлхийг тойрох аяллынхаа үеэр Гуам арлыг нээжээ.
1617 — Францын Луи Эбер Квебект фермийн үйл ажиллагаа явуулах анхны эрхийг авсан байна.
1661 — Их Британийн Шинжлэх ухааны академийн анхны ерөнхийлөгчөөр сэр Роберт Морей сонгогдлоо.
1665 — Лондонд хамгийн анхны шинжлэх ухааны сэтгүүл гарлаа.
1790 — Жорж Вашингтоны хувийн эмч Жон Гринвуд шүдний өрөм зохион бүтээжээ.
1810 — АНУ-ын Иллинойс хүн амаа албан ёсоор вакцинжуулдаг анхны муж болов.
1834 — Канадын Йорк хот нэрээ Торонто болгон өөрчилжээ.
1853 — Венецид Жузеппа Вердигийн “Травиата” дуурь анх тавигджээ.
1857 — АНУ-ын Дээд шүүхээс боолыг иргэн биш эзнийхээ өмч гэж албан ёсоор тогтоов.
1899 — Германы химич Феликс Хоффманн аспирин эмний патентийг авав.
1900 — Сан-Франциско хотод тахал дэгджээ.
1902 — Испанийн Эзэн хааны “Реал” (Мадрид) баг байгуулагдав.
1913 – Өргөөд Монголын анхны сонин “Шинэ толь” хэвлэгджээ. Тус сонины эхний дөрвөн дугаар нь 23*15 см хэмжээтэй 50-60 хуудастай сэтгүүлийн маягаар, дараах 16 дугаар нь 34*26 см хэмжээтэй 6-10 нүүр бүхий сонины хэлбэрээр, нийт 20 дугаар гарсан юм. Нэг дугаар нь 500 хувиар гарч, Төрийн байгууллагуудад үнэгүй тараагдаж, хөдөлмөрчдөд сонин худалдах цэгээр дамжин тардаг байв.
1924 — Ватиканд анхны радио хүлээн авагч байрлуулав.
1938 — Лондонд троллейбус үйлчилгээнд гарч, трамвай халаагаа өгөв.
1957 — Гана улс тусгаар тогтнолоо.
1964 — Дэлхийн аварга боксчин Кассиус Клей исламын шашинд орж, нэрээ Мухаммед Али болгон өөрчиллөө.
1967 — Сталины охин Светлана Аллилуева Дели дэх АНУ-ын ЭСЯ-нд улс төрийн оргонол хүслээ.
1970 —Битлз хамтлагийн “Let It Be” дуу төрлөө.
1985 — Америкийн боксчин Майк Тайсон мэргэжлийн замналаа эхэлжээ.
1990 — Афганистанд төрийн эргэлт хийх гэсэн оролдлогыг Ерөнхийлөгч Мухаммед Нажибулла даржээ.
1997 — Их Британийн Хатан хаан Елизавета II албан ёсны сайттай болов.