24tsag.mn Монголынхоо бас нэгэн алдартны түүхийг тоймлон 24 баримтаар уншигчдадаа хүргэж байна. Энэ удаад С.Баярцогт гишүүний сонирхолтой баримтуудыг түүвэрлэлээ.
1. УИХ-ын дэд дарга С.Баярцогт энэ жил 45 настай. Тэрээр жил бүрийн 3 сарын 28-нд төрсөн өдрөө тэмдэглэдэг. Сэлэнгэ аймгийн унаган хүүхэд гэдгийг нь монголчууд сайн мэднэ.
2. Багадаа Сэлэнгийн атаман байсан гэж танилууд нь хэлдэг. Үзэлцсээр байгаад өөрийгөө хүлээн зөвшөөрүүлж чадсан гэдэг.
3. Сэлэнгэ аймгийн Сүхбаатар хотын 10 жилийн нэгдүгээр дунд сургууль, Москва хотын улсын их сургууль эдийн засагч, багш мэргэжлээр, Герман улсын худалдааны академийг бизнесийн удирдлага, МУИС-ийг хуульч, эрх зүйч мэргэжлээр тус тус төгссөн. Олон улсын эдийн засгийн ухааны магистр цолтой. Ийм өндөр боловсролтой хүн улсын их хуралд таван удаа сонгогдон ажиллах нь аргагүй юм.
4.
Баярцогтыг Колумбын их сургуульд сурч байхад ерөнхийлөгч Ц.Элбэгдорж Харвардад, Ц.Сайханбилэг Вашингтоны их сургуульд сурч байжээ. 5. 23-хан насандаа Ардын Их Хурлын депутат болж хууль батлалцаж явсан. Тийм ч учраас тэрээр их хуралд хамгийн олон хуулийн төсөл санаачилж, хэлэлцүүлж, батлуулсан гишүүн болж чаджээ. Монголын парламентын түүхэнд хамгийн залуугаараа төрийн түшээ болсон С.Баярцогтын рекордыг одоогоор хэн ч эвдээгүй байна.
6. С.Баярцогт Сангийн сайдаар ажиллаж байх үед Монголын парламент Оюутолгойн гэрээг хийж, страте¬гийн анхны том ордыг эргэлтэд оруулсан.
7. Ам бүл 4. Хоёр хүүхэд нь гадаадад сурдаг харин гэргийтэйгээ Москвад суралцаж байхдаа танилцжээ. “Миний удам угсааг залгамжлах хоёр сайхан хүүхэд минь ханиасаа авсан хамгийн том бэлэг” гэж тэрээр нэгэн хэвлэлд өгсөн ярилцлагадаа дурджээ.
8. Хамгийн ихээр хүндэлж явдаг улс төрч нь талийгаач С.Зориг.
9. 2009 онд 1 тэрбум төгрөгийн орлого олсон, нийт хөрөнгө 4 тэрбум хэмээн УИХ гишүүний хөрөнгийн мэдүүлэгдээ мэдүүлжээ. Түүн дотроо тансаг зэрэглэлийн 10 гаран машинтай хэмээн мэдүүлжээ. Бенз, Бентли, БМВ, Ланд Круйзер , Феррари, Порше бүгд бий гэжээ.
10. Нэг хэсэг топ модель Э.Одгэрэл, Сангийн сайд 2 юугаараа адилхан бэ гэтэл хөгширдөггүйгээрээ адилхан гэгдэв. Нээрээ ч С.Баярцогт хөгширдөггүй нэгэн шүү.
11. С.Баярцогт чөлөөт цагаараа сагсан бөмбөг тоглодог. Улаан хобби нь. Тэрэндээ ч “Саарал ордон”-ы шигшээ багийн түлхүү тоглогчдын нэг. Ямар сайндаа л сагс тоглож байгаад хөлөө хугалж гэмтээх вэ дээ. Бас ууланд авирах хоббитой.
12. С.Баярцогт өөрийгөө маш энгийн хүн гэж дүгнэдэг. Гадуур үргэлж энгийн хувцастай явах дуртай гэнэ. Энэ нь түүнийг залуу харагдуулахаас гадна хүмүүсийн нүдэнд тусахаас авардаг гэнэ шүү.
13. Охин хүү хоёр түүнд хамгийн их энергийг өгдөг аж. “Хүнийг цэнэглэдэг батерей гэж байдаг бол хүүхдүүд маань намайг цэнэглэгч” гэж тэр ярьж байсан удаатай.
14. С.Баярцогт Оскарын шагнал авсан кинонуудыг хөөж үздэг. Хамгийн дуртай кино нь “Америкт нэг удаа”.
15. Түүний бас нэгэн хобби бол гэр цэвэрлэх. Гэрийн эзэгтэй шиг л хувцас хунараа угааж цэвэрлэх дуртай гэнэ.
16. С.Баярцогт их сайн аав аж. Охин нь өөрийгөө ааваасаа төрсөн гэж ярьдаг гэсэн шүү.
17. Хориод костюмтой.
18.
Тэр архи пивоны альнийг нь ч хэрэглэдэггүй аж. Бүр шампанск ч уудаггүй, айраг ч уудаггүй.19. Маш их унтамхай. Ер нь унтах дуртай гэнэ. Голдуу унтаж байгаад юмнаас хоцорчих гээд байдаг сул талтай.
20. “Эзэн хичээвэл заяа хичээнэ” гэдэг үгэнд итгэдэг. Энэ үгийг л баримталж иржээ.
21. Уянгын дуунууд сонсох дуртай. Англи ч, монгол ч ялгаагүй. Түүний Ipod-д бүх төрлийн дуунууд байдаг. Зургаа долоон мянга орчим дуу, Монголын бараг бүх клип, 250 орчим тоглолтын бичлэг байдаг аж. “Чингис”- ийн Жагаа, “Хурд”-ын дуунуудыг сонсох дуртай.
22. Өөрөө ч гэсэн дуулах дуртай. Залуучуудын байгууллагад байхдаа янз бүрийн соёлын арга хэмжээнд дуулдаг байжээ. Дуулах нь стрессээ тайлахад тусалдаг гэнэ.
23. Хэзээ нэгэн цагт багшаараа ажиллаад, хүүхдүүдээр шүтүүлээд явах мөрөөдөлтэй.
24. Төрийн ордны өмнөх Чингис хааны цогцолборыг хэвлэл мэдээллийн хэрэгслүүдээр балбуулж, хөдөл¬гөө¬нийхөнд хараалгуулж, ёстой няцахгүй явж байж босгосон гэдэг .
Т.Хулан 24tsag.mn
Сэтгэгдэл (109)