Ардчилсан нам цаг үеийн асуудлаар мэдээлэл хийж байна. Энэ үеэр Ардчилсан намын дэд дарга Ч.Отгончулуу мэдээлэл өглөө.

Тэрбээр "Сүүлийн үед Монгол улсын инфляц маш өндөр байгаа. Засгийн газар инфляцыг цэвэр гадагш нь чихэж байгаа. Энэ бол үнэн бодитой зүйл биш. 100 хувь гэж үзвэл 20,30 хувь нь л гаднын нөлөөтэй. 70 хувь нь цэвэр бодлогын алдаа. Уул уурхайн яам мэдээлэл хийхдээ АИ92 бензиний үнийг барина. Яагаад гэвэл сонгогчдын ихэнх нь хэрэглэдэг юм гээд шууд хэлж байна лээ. Энэ бол популист бодлого юм. Гэтэл манай улсын эдийн засаг уул уурхай, газар тариалан, мал аж ахуй дээр тогтож байна. Манай Засгийн газар сонгууль дөхсөн популист бодлого явуулж байна. Үүний нөлөөгөөр юмны үнэ өсөж байна. Уул уурхайн компаниуд төрийн буруутай үйлдлээс болж юмаа зарж чадахгүй байна.

Хятадын инфляц үсрээд 20,5 хувь байгаа. Ихэнх барааны үнэ тогтвортой байгаа. Яагаад үнэ өсөөд байна гэвэл тээврийн зардал дээр гарч ирж байгаа. Л.Оюун-Эрдэнийн засгийн газар мөрөөрөө явж байгаа жолооч нарын ажлыг булаадаг болсон.

Замын-Үүдэд 30-н шар гээд алдартай болчихсон. Тэр машинууд нь хоосон гардаг. Буцахдаа төр засгийн ачаа барааг оруулж ирдэг. Бараа, эм тарианы хомсдол үүсээд нэг машин гаргачих юмсан гэхэд төрийн томчууд найр наадам хэсээд явж байна. Тасартлаа баяжиж байна. Тахал гарахаар сайд баяждаг гэсэн үг хүртэл гарсан. Эрүүл мэндийн сайд тэрбумтан болсон. Зохиомлоор хомсдол үүсгэж байгаад баяжиж байна. Ийм учраас манай инфляцын шалтгаан бол төр засгийн эрх мэдэл дээр байгаа хүмүүс өөрсдийнхөө төлөө ажиллаж буйгаас шалтгаалж байна.

Манай Засгийн газар ядуурлын хэмжээ буурч байна хэмээн хэлдэг. Ядуурлын шугам 178 мянган төгрөг. 180 мянган төгрөг зарцуулахад л ядуурлын шугмаас дээгүүр гэнэ. 178 төгрөгөөр нэг сар амьдар гэвэл сайд дарга нар чадахгүй. Ядуурлын шугмыг зориудаар бага байлгаж байна. Ядуурлын шугмыг бодитой болговол Монголчуудын 70 хувь нь ядууралд орчихсон байна. Энэ бол үндэсний аюулгүй байдалд нөлөөлж байна” гэв.

Д.Батчулуун