Энэ цаг үеийн хамгийн шилдэг сагсчин
гэж нэрлэгдээд буй Леброн Жеймсийн тухай 24 баримтыг хүргэж байна. NBA
-гийн аварга цолыг хоёр жил дараалан хүртээд буй түүнийг энэ жил дахин
аварга болох эсэхийг фэнүүд нь тэсэн ядан хүлээж байгаа. Алдарт сагсчин
маань бага наснаасаа хүнд хэцүү амьдралыг туулж, өнөөдрийн энэ амжилтын
эзэн болсон бөгөөд хамгийн хайртай хүн нь түүний ээж нь юм. Миами Хит
баг одоогийн байдлаар бүсийнхээ хоёрдугаар байранд бичигдэж явна.
1. Леброн Реймонд Жеймс нь 1984 оны арванхоёрдугаар сарын 30 -нд төрсөн.2. Хойд Америкийн Үндэсний сагсан бөмбөгийн холбооны “Миами Хит” багийн тоглогч
3. Түүнийг фэнүүд нь сагсан бөмбөгийн талбайд “Хаан Жеймс” хэмээн хочилдог.
4. Алдарт сагсчин маань Гэгээн Винсент, Гэгээн Мэригийн нэрэмжит дунд сургуулиудад суралцаж төгссөн бөгөөд ирээдүйд нэр алдраа цуурайтуулсан шилдэг тамирчин болно гэдгээ бага наснаасаа л бусдад харуулж чадсан юм.
5. Леброн Охайогийн дунд сургуулийн “Mr.Basketball” шагналтнаар гурвантаа тодорч байсан.
6. Леброн ердөө 18 настайдаа 2003 оны NBA-ын драфтын нэгээр “Кавалиэрс”-т сонгогдож, мэргэжлийн сагсан бөмбөгчин болсон.
7. Сонирхолтой нь тэр мэргэжлийн сагсан бөмбөгчин болохоосоо өмнө “Nike” брэндтэй 90 сая ам.доллараар үнэлэгдэх гэрээ байгуулжээ.
8. Үндэсний сагсан бөмбөгийн лигт тоглох болсон цагаасаа эхлэн олон шилдэг амжилтын эзэн болж, хамгийн залуу гэх тодотголтой олон рекордын эзэн болж чадсан.
9. Түүнийг энэ цаг үеийн хамгийн шилдэг сагсан бөмбөгчин гэж фэнүүд болон дасгалжуулагчид, тамирчид бүгд хүлээн зөвшөөрдөг.
10. Леброн өөрийн Кавалиэрс багаа орхиж Миами Хитийн бүрэлдэхүүнд багтахад түүний хуучин багийн фэнүүд бүгд түүнийг үзэн ядаж буйгаа илэрхийлж байжээ.
11. Тэрбээр 2003/04 оны улиралд NBA -ын Оны шилдэг рүүки тоглогч буюу шинээр орж ирсэн тоглогч болсон.
12. "Хаан Жеймс" одоогийн байдлаар хоёр удаа NBA -гийн MVP буюу улирлын үнэ цэнэтэй тоглогчоор шалгараад байна.
13. 2005 оноос хойш өдгөөг хүртэл тасралтгүй NBA-ын болон Бүх оддын багт багтсаар ирсэн юм.
14.
“Кливлэнд Кавалиэрс”-ийн довтолгооны гол хүчин болсон Жеймс 2006-2010
оны хооронд дараалан багаа плей-оффт шалгарахад голлох үүрэг
гүйцэтгэсэн. 2007 онд тэд Конференсийн финалд шалгарсан нь 1992 оноос
хойшхи анхны том амжилт байсан бөгөөд тэр жилдээ мөн түүхэндээ анх
удаагаа NBA-ын финалд өрсөлджээ.15. Жеймс мөн АНУ-ын шигшээ багт багтаж, 2004 оны Афины олимпиос хүрэл, 2008 оны Бээжингийн олимпийн наадмаас алтан медаль хүртсэн юм.
16. Леброны ээж Глория Жеймс 16настайдаа хүүгээ төрүүлжээ. Түүний эцэг нь Энтони МакКлелланд гэгч эр байсан боловч хүүгийнхээ албан ёсны эцэг болохоос татгалзсан учир залуу ээж өөрийнхөө овгоор хүүгээ овоглосон байна.
17. Леброн болон түүний ээжийн хувьд амьдрал тийм ч сайхан байсангүй. Леброныг бага балчир байхад ээж нь ихэд зовлон зүдгүүр амсч, сэтгэл санааны хувьд хямралтай байсан аж. Жирэмсэн байх үед нь Глориягийн ээж нас барсан нь түүний сэтгэл санаанд ихээхэн нөлөөлжээ. Худалдагч, кассчны ажлын хооронд завгүй гүйж, тогтвор суурьшилтай ажил олдохгүй байсан бөгөөд ээж, хүү хоёр түрээсийн байр хэсч амьдардаг байв.
18. Нүүдлийн амьдралтай байсан Леброн бага сургуульд элсэн ороод багагүй бэрхшээлтэй учирчээ. Гэр бүлийн амьдрал нь хүнд хэцүү, ядуу зүдүү, үргэлж санхүүгийн бэрхшээлтэй тулгардаг байсан учир бяцхан хүү бусад хөвгүүдтэй найзлахаас эмээдэг байсан гэнэ.
19. Гэхдээ тэр хичээл номдоо шамдаж, спортод, нэн ялангуяа сагсан бөмбөг, америки хөлбөмбөгт дэндүү дуртай байжээ. Майкл Жорданг шүтэж, түүн шиг сагсан бөмбөгч болохыг мөрөөдөж явсан бяцхан хүү хүнд бэрх амьдралаас өөрийн авьяас чадвараар жинхэнэ шилдэг тамирчин болжээ.
20. Леброн Жеймс ахлах сургуульд суралцаж байхдаа Саванна Бринсонтой танилцсан бөгөөд улмаар хосууд гэрлэжээ.
21. Хосууд хоёр хүүтэй байна. Тэдний анхны хүү Леброн Жеймс Жуниор 2004 оны аравдугаар сард төрсөн бөгөөд хосууд 2007 оны зургадугаар сард Брюс Максимус гэх хоёр дахь хүүгээ өлгийдөн авчээ.
22. Тэрээр өнгөрсөн жил дэлхийн хамгийн их ашиг орлоготой тамирчдын жагсаалтын дөрөвдүгээрт бичигдсэн байна. Түүний жилийн орлого нь 53 сая аи.доллар гэнэ.
23. Леброн маань өөрийн гадаад төрх байдалдаа ихэд анхаардаг бөгөөд сайхан хувцасладаг нэгэн. Тийм ч болохоор "GQ" сэтгүүл “Майами Хит” багийн довтлогчийг өнгөрсөн оны хамгийн донжлог тамирчнаар нэрлэсэн байна.
24. Леброн Реймонд Жеймс нь одоогийн байдлаар хоёр дараалан NBA -гийн аварга болоод байна. Энэ жил түүнийг дахин аваргын бөгж, цомын эзэн болно гэдэгт Миами Хитийн фэнүүд нь итгэлтэй байгаа аж.
Г.Лхагвадорж
Сэтгэгдэл (3)