-
2017 оны 11 сарын 22
Дэлхийн тэрбум орчим үзэгчдийг жинхэнэ утгаар нь гэгэлзүүлдэг “Victoria’s Secret” загварын шоу жил бүрийн 11-р сард зохион байгуулагддаг. Бүсгүй хүний төгс бие галбирыг гайхуулж, ирэх жилийнхээ дотуур хувцасны чиг хандлагыг тодорхойлдог алдарт шоу Шанхай хотноо өчигдөр зохион байгуулагджээ.
Нэг урилга нь 52,000 ам.долларын үнэ хүрсэн энэхүү шоуны үзэгчдийн тоо хязгаартай. Тиймдээ ч хаалттай гэх ангилалд зохион байгуулагдаад удаж байгаа. Дэлхийн баячуудын үнэ цохиж үздэг энэхүү шоуг дэлхийн 190 гаруй оронд онцгой эрхтэйгээр дамжуулах боломжийг олгодог юм. Энэ жагсаалтад манай улсаас “Стар” телевиз байгаа гэнэ шүү. Тус телевиз 2 дахь жилдээ эрхээ баталгаажуулсан нь энэ. Энэ үйл ажиллагаанд нь “Монос Косметикс”ХХК болон Гэр бүлийн бүх гишүүдэд зориулагдсан Солонгосын алдарт Daiz брэнд нэгдсэн гэнэ.
Харин дамжуулах хугацааг бүх улс орнуудад нэг өдөр, нэг цагт байхаар гэрээнд хатуу тусгадаг байна. Энэ жилийн хувьд 11-р сарын 29-ний өдрийг сонгожээ. Ийнхүү Монголын үзэгчид дэлхийн хамгийн алдартай загварын шоуны гайхамшгийг дахин мэдрэх нь ээ.
-
2017 оны 11 сарын 21
Монголын үндэсний олимпийн хорооны тэргүүн дээд шагнал гардуулах “Бөртэ чоно” ёслолын ажиллагаа арванхоёрдугаар сарын 16-нд болох тов гарчээ.
Спортын салбарын шилдгүүд, оны шилдэг тамирчин, дасгалжуулагчдыг тодруулдаг “Бөртэ чоно” ёслолыг МҮОХ 15 дахь жилдээ зохион байгуулах гэж байна.
Оны шилдэг тамирчин, баг, дасгалжуулагчийг тодруулах санал асуулгыг Монголын спортын сэтгүүлчдийн холбоо зохион байгуулж, спортын сэтгүүлчдийн саналаар оны шилдгүүд тодорно. МҮОХ-ны зүгээс “Бөртэ чоно” ёслолын үеэр оны шилдэг холбоо, олимпийн танхим, зөвлөл, спорт холбооны ерөнхийлөгч, Ерөнхий нарийн бичгийн дарга, спорт клуб, шүүгч, шилдэг залуу тамирчныг тодруулан, зарладаг уламжлалтай.
-
2017 оны 11 сарын 21
Чөлөөт бөхийн “Интернациональ” олон улсын тэмцээний хошой аварга, ОУХМ, аймгийн хурц арслан, нэрт дасгалжуулагч Ч.Буян агсны нэрэмжит өсвөр үе, залуучуудын олон хотын тэмцээн арваннэгдүгээр сарын 18-19-нд Архангай аймгийн Биеийн тамир спорт хорооны зааланд боллоо. Тэмцээнд хот, хөдөөгийн 18 байгууллагын 300 гаруй тамирчин өсвөр үеийн хөвгүүдийн 35, 42, 46, 50, охидын 35, 40, 45, 50, 55, 60, залуучуудын 55, 60, 66, 74, 84 кг гэсэн нийт 15 жинд өрсөлдөв. Багийн дүнгээр спортын мастер Ё.Батдархан дасгалжуулагчтай Дархан-Уул аймаг, “Хасу-Мегастарс” клуб тэргүүлж, П.Пүрэвцогт, Ч.Мөнхбат дасгалжуулагчтай Архангай аймгийн Спортын төрөлжсөн сургалттай ерөнхий боловсролын сургууль хоёр, Монгол Улсын гавьяат дасгалжуулагч Т.Сүхбаатар дасгалжуулагчтай “Женко” клуб гуравдугаар байрыг эзэлсэн юм.
-
2017 оны 11 сарын 21
Арваннэгдүгээр сарын 23-26-нд Польшийн Быдгощ хотод болох чөлөөт бөхийн 23 хүртэлх насны Дэлхийн аварга шалгаруулах анхдугаар тэмцээнд оролцох Монголын эмэгтэй баг тамирчид ням гаригт эх орноосоо мордсон билээ. Тэгвэл залуучуудын шигшээ багийн дасгалжуулагч ОУХМ Буянжавын Батзоригийн удирдлага дор эрэгтэйчүүдийн шигшээ баг өнөөдөр өглөө Быдгощ хотыг зорив. Манай улсаас эрэгтэйчүүдийн 57 кг-д Цэвээнсүрэнгийн Цогбадрах (Алдар), 61 кг-д Батчулууны Баасанням (Женко), 65 кг-д Төмөр-Очирын Тулга (Арслан), 70 кг-д Лутбаярын Батбаяр (Женко), 74 кг-д Болдхүүгийн Батсүх (Хасу-Мегастарс), 86 кг-д Ганбаатарын Ганхуяг (Алдар), 97 кг-д Төмөрбатын Мөнгөншагай (Харгант цамхаг), 125 кг-д Мөнхтөрийн Лхагвагэрэл (Арслан) нар Польшийн дэвжээнд зодоглох юм. Эрэгтэйчүүдийн 57, 70, 74, 125 кг 25-нд, 65, 70, 74, 97 кг-ын жингийн барилдаан 26-ны өдөр болно. Сонирхуулахад, “U-23”-ын ДАШТ-д өрсөлдөх бүрэлдэхүүн дээр Г.Төрболд, Б.Зоригтбаатар, О.Мөнх-Эрдэнэ гэсэн залуучууд нэмэгдсэнээр арванхоёрдугаар сарын 7-8-нд Ираны нийслэл Тегеранд болох эрэгтэйчүүдийн клубийн ДАШТ-д оролцох юм.
-
2017 оны 11 сарын 20
Монголын зохиолчдын эвлэлээс жил бүр уламжлал болгон зохион байгуулдаг “Болор цом” наадам энэ жил Алтай хотод товлогджээ. 1983 оноос хойш 35 дахь удаагаа болж буй тус наадам ирэх сарын 15-нд болох юм. “Болор цом-35” наадамд оролцох яруу найрагчдын бүтээлийг ирэх арванхоёрдугаар сарын 8-ны өдрийн баасан гариг хүртэл хүлээн авах юм байна.
Өнгөрсөн жил Дорнод аймагт болсон “Болор цом” яруу найргийн наадамд Борхүүгийн Батсайхан түрүүлж, яруу найрагч Арлааны Эрдэнэ-Очир хоёрдугаар байрт, Ч.Ууганбаяр гуравдугаар байрт, Хэнтийн Д.Гансүрэн дөрөв дүгээр байрт, Дарханы М.Уянсүх тавдугаар байрт шалгарсан юм. Шүүгчээр яруу найрагч Б.Галсансүх, Ү.Хүрэлбаатар, Д.Ган-Очир нар ажиллажээ.
-
2017 оны 11 сарын 20
“Гоёл-2018” наадмын тов гарлаа
-
2017 оны 11 сарын 20
Дэлхийн гоо бүсгүйг шалгаруулдаг “Miss World 2017” тэмцээн БНХАУ-ын Санья хотноо болсон.
-
2017 оны 11 сарын 20
Чөлөөт бөхийн 23 хүртэлх насны Дэлхийн аварга шалгаруулах тэмцээн арваннэгдүгээр сарын 23-26-нд Польшийн Быдгощ хотод болно. Анхны дэлхийн аваргад манай улс эрэгтэй, эмэгтэй бүтэн багаараа оролцох бөгөөд Монголын багийн түрүүч буюу эмэгтэй тамирчид маань өнөөдөр өглөө “Улаанбаатар-Москва”-гийн нислэгээр Польш улсыг зорив. Сарын өмнө Сэлэнгэ аймагт болсон олимп, ДАШТ-ий хүрэл медальт, алдарт бөх Дугарсүрэнгийн Оюунболд агсны нэрэмжит тэмцээний жин тус бүрийн аваргууд Быдгощыг зодоглох эрх авсан билээ. Эмэгтэйчүүдийн 48 кг-д спортын мастер Буяндалайн Чимгээ (Хангарьд), 53 кг-д ОУХМ Ганбаатарын Отгонжаргал (Алдар), 55 кг-д спортын мастер Бат-Очирын Болортуяа (Женко), 58 кг-д ОУХМ Алтанцэцэгийн Батцэцэг (Хасу-Мегастарс), 60 кг-д ОУХМ Энхбатын Гантуяа (Хилчин), 63 кг-д спортын мастер Хүрэлхүүгийн Болортуяа (Аврагч), 69 кг-д спортын мастер Мөнхбатын Хишигмаа (Арслан), 75 кг-д спортын мастер Пүрвээгийн Номин-Эрдэнэ (Алдар) нар Польшийн дэвжээнд зодоглоно. Тэд үндэсний шигшээ багийн ахлах дасгалжуулагч Бямбажавын Баттулга, Монгол Улсын гавьяат дасгалжуулагч Цэндийн Баярсайхан нарын хамт өнөөдөр Польшийг зорьсон юм. Эмэгтэйчүүдийн 55, 58, 63, 75 кг 23-нд, 48, 53, 60, 69 кг-ын жингийн барилдаан 24-ний өдөр болно.
-
2017 оны 11 сарын 20
XVII жарны улаагчин тахиа жилийн өвлийн тэргүүн сарын шинийн нэгний өдөр буюу Эзэн Чингис хааны мэндэлсний
-
2017 оны 11 сарын 19
Олимп, Дэлxийн аваргын xос мөнгөн медальт, МУГТ Н.Төгсцогт Филиппиний боксчин Хармонито Дела
-
2017 оны 11 сарын 18
Өвлийн эхэн сарын шинийн нэгэн буюу Эзэн Чингис хааны мэндэлсэн ”Монгол бахархал”-ын өдөрт зориулсан чансаа өндөр 128 бөхийн барилдаан маргааш 14 цагаас Монгол бөхийн өргөөнд болно.
-
2017 оны 11 сарын 17
Холливудын од Ричард Гир Төрийн ордонд зочилжээ
-
2017 оны 11 сарын 17
Эрүүл мэндийн дэд сайд асан Ж.Цолмон “Цагийн зурвас” номын нээлт МУИС-ийн номын санд өнөөдөр болж, уншигч олны гарт очлоо.
-
2017 оны 11 сарын 16
Өчигдөр нээлтээ хийж буй ”Про стар” фильм бүтээсэн ”Залуу мөрдөгчид” киноны нээлтэнд хүрэлцэн очлоо. ”Сайн аав” киногоор Монголын кино урлагт анхныхаа шанг татсан Соёлбаатар хэмээх эрхэмээр овоглогдсон Чулуунтогтох, Бүжин хэмээх нэгэн гэр бүлийн уран бүтээлчид, тэдний хамт олны бүтээсэн хүүхдийн кино үнэхээр сайхан кино болжээ.
-
2017 оны 11 сарын 16
Засгийн газрын хэрэгжүүлэгч агентлаг Соёл, урлагийн газар, Соёлын өвийн төв хамтран Соёлын биет бус өвийг хамгаалах чиглэлээр үйл ажиллагаа явуулдаг төрийн бус байгууллагуудтай мэдээлэл солилцох, хамтран ажиллах талаар уулзалт, хурлыг 2017 оны 11 дүгээр сарын 21-ний өдөр Засгийн газрын II байрны хурлын танхимд зохион байгуулах гэж байна.
Соёлын биет бус өвийн чиглэлээр үйл ажиллагаа явуулдаг Төрийн бус байгууллагуудтай хийх уулзалтын хурлын хөтөлбөр
Зорилго:
Соёлын биет бус өвийн чиглэлээр үйл ажиллагаа явуулдаг Төрийн бус байгууллагуудтай мэдээлэл солилцох, нягт хамтран ажиллах талаар санал солилцоход энэхүү хурлын зорилго оршино.
Зохион байгуулагч:
Засгийн газрын хэрэгжүүлэгч агентлаг Соёл, урлагийн газар
Соёлын өвийн үндэсний төв
Хамтрагч байгууллагууд:
Боловсрол, соёл, шинжлэх ухаан, спортын яам
ЮНЕСКО-гийн Монголын Үндэсний Комисс
“Байгаль болон Соёлын өвийг хамгаалах сан” ТББ
Хамрах хүрээ: Соёлын биет бус өвийн чиглэлээр үйл ажиллагаа явуулдаг төрийн бус байгууллагууд
Хугацаа: 2017 оны 11 дүгээр сарын 21-ны өдөр /Мягмар гариг/ 09:00-12:00
Хаана: Засгийн газрын хэрэгжүүлэгч агентлаг Соёл, урлагийн газрын хурлын танхим
Хөтөлбөр: Чиглүүлэгч Г.Энхбат /Соёлын өвийн Үндэсний төвийн захирал/
09:30-09:40 Бүртгэл
09:40-10:00 СББӨ-ийн чиглэлээр баримталж буй бодлого /БСШУСЯ-ны СУБГазрын соёлын өв хариуцсан мэргэжилтэн Б.Даваацэрэн/
10:00-10:20 Соёлын өвийн төвийн чиг үүрэг, СББӨ-ийн статистик мэдээлэл /Соёлын өвийн Үндэсний төвийн СББӨХХ-ийн дарга А.Саруул/
10:20-10:40 СББӨ-ийг хадгалж хамгаалахад Төрийн бус байгууллагуудын үүрэг оролцоо. /”Байгаль болон Соёлын өвийг хамгаалах сан” ТББ-ийн тэргүүн Н.Уртнасан/
10:40-11:00 Цайны завсарлага
11:00-11:20 ЮНЕСКО-гийн зарчим, чиг үүрэг /ЮНЕСКО-гийн СББӨ хариуцсан мэргэжилтэн М.Цэцэнбилэг/
11:20-11:40 Соёлын биет бус өвд суурилсан Бүтээлч үйлдвэрлэл /Соёл, урлагийн газрын Соёл, соёлын өвийн хэлтсийн дарга Г.Батхуяг/
11:40-12:00 Хэлэлцүүлэг /Хууль эрх зүй, Уялдаа холбоо, Мэдээлэл солилцох тогтолцоо, Хамтын ажиллагааны цар хүрээ/
12:00-12:10 Дурсгалын зураг авхуулах.
-
2017 оны 11 сарын 16
Дэлхийн шилдэг киноны хөгжмийг Симфони найрал хөгжим, Морин хуурын чуулга нэгэн тайзнаа эгшиглүүлэх гэж байна. Киног амьдруулдаг хамгийн чухал зүйлсийн нэг бол хөгжим юм. Тэгвэл кино сонирхогч та бидний сэтгэл зүрхэнд хоногшсон дэлхийн болон Монголын олон сайхан киноны хөгжмүүд улсын Филармонийн тайзнаа энэ сарын 17,18-нд тоглогдох гэж байна. Тус тоглолтонд Оскарт Монголоос нэр дэвшиж буй “Чингисийн Хүүхдүүд” киноны хөгжим бүрэн эхээрээ тоглогдож, тэнд ирсэн үзэгчид тус хөгжмийн анхны сонсогч болох юм. Дэлгэрэнгүй мэдээллийг: www.mglphilharmonic.mn сайтаас болон 7011-8012, 8800-4849, 9919-6623 дугаараас тодруулна уу?
-
2017 оны 11 сарын 15
Сэтгэлдээ оч асуусан бяцхан жүжигчидтэй энэ өвлийн анхны киноны нээлт 18 цагаас болно
-
2017 оны 11 сарын 15
Японы сүмогийн холбооноос ёкозүна Харүмафүжид доод зиндааны бөхдөө гэмтэл учруулсан хэргээр шийтгэл оноохоор
-
2017 оны 11 сарын 15
Дэлхийн шилдэг киноны хөгжмийг
Симфони найрал хөгжим, Морин хуурын чуулга нэгэн тайзнаа.
Киног амьдруулдаг хамгийн чухал зүйлсийн нэг бол хөгжим юм. Тэгвэл кино сонирхогч та бидний сэтгэл зүрхэнд хоногшсон дэлхийн болон Монголын олон сайхан киноны хөгжмүүд улсын Филармонийн тайзнаа энэ сарын 17, 18-нд тоглогдох гэж байна. Тус тоглолтонд Оскарт Монголоос нэр дэвшиж буй “Чингисийн Хүүхдүүд” киноны хөгжим бүрэн эхээрээ тоглогдож, тэнд ирсэн үзэгчид тус хөгжмийн анхны сонсогч болох юм.
Дэлгэрэнгүй мэдээллийг:www.mglphilharmonic.mn сайтаас болон 7011-8012, 8800-4849, 9919-6623 дугаараас тодруулна уу?
Чингисийн Хүүхдүүд
-
2017 оны 11 сарын 15
”Залуу мөрдөгчид” МУСК энэ сарын 15-нд нээлтээ хийнэ
