-
2017 оны 10 сарын 05
2004 оноос эхлэн “Мисс Монголиа” холбооноос жил бүр уламжлал болгон Монголын гоо бүсгүйг шалгаруулах “Мисс Монголиа” тэмцээнийг уламжлал болгон зохион байгуулж ирсэн билээ. Энэ жилийн “Мисс Монголиа” тэмцээний тэргүүн миссийн титмийн төлөө өрсөлдөх эцсийн шатанд 14 бүсгүй шалгарсан бөгөөд ялагчид тодорч тэргүүн миссээр Амарсанаагийн Сайхантамир шалгарчээ.
Монгол Улсын 21 аймаг 9 дүүргээс нийт 50 гаруй охид, бүсгүйчүүд анхан шатны шалгаруулалтад бүртгүүлэн оролцсоноос 14 шилдэг оролцогчид шалгаран үлдэсэнээс ”Дэд Мисс”-ээр Дашдоржийн АНУНДАРЬ, ”Гутгаар Мисс”-ээр Баасанжавын ХУЛАН, Тусгай байранд Батсүхийн Азжаргал нар тодорчээ. Тэмцээний ерөнхий зохион байгуулагчаар ”Мисс Монголиа” холбоо, SBN телевиз ажилласан бол ”Наран групп” ивээн тэтгэгчээр хамтран ажиллажээ.
Үндэсний ялагч Тэргүүн миссээр тодорсон А.Сайхантамир нь Хэнтий аймагт төрж өссөн. 2016 онд Шинжлэх ухаан, технологийн их сургуулийг Эрчим хүчний инженерийн мэргэжлээр төгссөн. “Гоёл 2016” наадмын дэд байрын эзэн болж шилдэг загвар өмсөгчөөр шалгарч байжээ. Тэрбээр анх 2014 онд “Мисс Монголиа-2014” тэмцээнд оролцож байсан бөгөөд 2016 онд “Miss Supertalent Of The World” буюу ”Дэлхийн авъяаслаг мисс”-ийн тэмцээнд эх орноо төлөөлөн авъяас билэг, мэдлэг боловсрол, гоо үзэсгэлэнгээрээ онцгойрч ”Дэд байр”-ын шагналыг хүртэж байсан түүхтэй. Мөн “Буриадын мисс” тэмцээний тэргүүн байр, “Манжуурын мисс” тэмцээний гуравдугаар байрт шалгарч үндэсний хувцас болон тусгай шагналыг хүртсэн юм. БНХАУ-ын Шанхай хотод зохиогдсон “Miss model of the world” тэмцээний авъяаслаг миссээр шалгарч шилдэг 10 оролцогчоор тодорч байсан.
“Мисс Монголиа” гоо бүсгүй шалгаруулах тэмцээний анхны миссээр 2004 онд мисс Ч.Содтуяа тодорч байсан бол 2005 онд Б.Гантогоо, 2006 онд Д.Болортуяа, 2007 онд Б.Гэрэлчулуун, 2008 онд О.Хулангоо, 2009 онд Х.Бадамгэрэл, 2010 онд Д.Бадамцэцэг, 2011 онд И.Төгсөө, 2012 онд Д.Долгион, 2013 онд Х.Ану, 2014 онд Ю.Балжидмаа, 2015 онд Ц.Аззаяа нар миссийн титмийг зүүж байсан билээ.
-
2017 оны 10 сарын 05
Дэлхийн бөхийн нэгдсэн холбоо (UWW) 2018 оны нэгдүгээр сарын 1-ээс хэрэгжиж эхлэх чөлөөт бөхийн эрэгтэй, эмэгтэйчүүдийн өсвөр үе, залуучууд, насанд хүрэгчдийн ангиллын жин тус бүрийн өөрчлөлтийг албан ёсоор баталлаа. Залуучууд, 23 хүртэлх насны ангилалын эрэгтэй бөхчүүд насанд хүрэгчидтэйгээ адил 57, 61, 65, 70, 74, 79, 86, 92, 97, 125, эмэгтэйчүүдийн ангилал мөн адил 50, 53, 55, 57, 59, 62, 65, 68, 72, 76 кг-ын жинд өрсөлдөнө. Харин өсвөр үеийн тамирчид ирэх жилээс хөвгүүдийн 41-45, 48, 51, 55, 60, 65, 71, 80, 90, 110, охид 36-40, 43, 46, 49, 53, 57, 61, 65, 69, 73 кг-ын жинд өрсөлдөхөөр болжээ. Эрэгтэйчүүдийн 57, 65, 74, 86, 97, 125 кг, эмэгтэйчүүдийн 50, 53, 57, 62, 68, 76 кг-ын жин олимп хөтөлбөрт багтсаныг бөх сонирхогчид мэдэж байгаа биз ээ.
-
2017 оны 10 сарын 03
Биеийн тамир спортын тэргүүний ажилтан, тэргүүлэх багш, Дорноговь аймгийн спорт хорооны дасгалжуулагч, спортын мастер Адьяагийн Зоригтбаатарын нэрэмжит чөлөөт бөхийн өсвөр үеийн олон хотын нээлттэй тэмцээн аравдугаар сарын 6-7-нд Сайншанд хотын спортын ордонд болно. Чөлөөт бөхийн спортыг хичээллэгч хүүхэд, залуусын тоог нэмэгдүүлэх, бөхийн спортыг сурталчилах, ирээдүйн олимп, тив, дэлхийн медальтнуудыг тодруулах зорилготой тус тэмцээнд 2001 оноос хойш төрсөн тамирчин хөвгүүдийн 29, 34, 38, 42, 46, 50, 54, 58, 63, 69, охидын 38, 50, 60, 65, 70 кг гэсэн нийт 15 жинд өрсөлдөнө.
А.Зоригтбаатар нь насанд хүрэгчдийн улсын аварга С.Сайнбаяр, УАШТ-ий медальт Б.Эрдэнэбаяр, Б.Наранболд, Ц.Чингэс, А.Мөнх-Эрдэнэ тэргүүтэй олон шилдэг тамирчдыг бэлтгэн гаргасан ачтан. Түүний шавь нараас өсвөр үе, залуучууд, насанд хүрэгчдийн УАШТ-ээс нийт 21 алт, 28 мөнгө, 30-аад хүрэл медаль хүртээд байна.
-
2017 оны 10 сарын 02
ОХУ-ын Чечений ерөнхийлөгч Рамазан Кадыровын нэрэмжит чөлөөт бөхийн багийн тэмцээн аравдугаар сарын 7-нд Грозный хотод болно. Тус тэмцээн өмнөх жилүүдэд хувийн төрөлд өрсөлддөг байсан бол энэ жилээс багийнх болж өөрчлөгдсөн. Энэ жилийн тэмцээнд Узбекистан, Киргизстан, Казахстан, Турк, Беларусь, Европ болон ОХУ-ын шигшээ, Чечений “Ахмат” тулааны клуб гэсэн найман баг өрсөлдөх юм. Узбекистанаас Давит Мозманашвили, Ихтиор Наврузов, Туркээс Европын аварга Риза Йилдырим, Европын шигшээ багт олимп, ДАШТ-ий хүрэл медальт Альберт Саритов (Румын), дэлхийн дэд аварга Магомед Гажиев (Польш), “Ахмат” багт 2013 оны дэлхийн аварга Бекхан Гойгереев, ДАШТ-ий хүрэл медальт Ахмед Чакаев, ЕАШТ-ий медальт Расул Жукаев, Исраил Касумов, 23 хүртэлх насны Европын аварга Имам Ажиев гэсэн шилдгүүд зодоглох нь. Тэмцээний нийт шагналын сан 90 мянган ам.доллар бөгөөд түрүүлсэн баг 40, дэд аварга 25, гурав 15, дөрөвдүгээр байр 10 мянган “ногоон”-ы шагнал хүртэнэ.
-
2017 оны 10 сарын 02
ЗХУ-ын гавьяат дасгалжуулагч, Якутын нэрт дасгалжуулагч Дмитрий Коркиний нэрэмжит эрэгтэйчүүдийн олон улсын уламжлалт тэмцээн есдүгээр сарын 30-наас аравдугаар сарын 1-нд ОХУ-ын Сахагийн бүгд найрамдах улсын «Триумф» спортын ордонд боллоо. Нийт 44 мянган.ам.долларын шагналын сантай 10 дахь удаагийн тэмцээнд 26 орны 172 тамирчин найман жинд өрсөлдөв. Манай улсаас гавьяат дасгалжуулагч А.Цэдэнсодномын удирдлага дор З.Занабазар (57), Т.Түвшинтулга (61), Т.Тулга, А.Мөнх-Эрдэнэ (65), Э.Тэмүүлэн (70), З.Сумъяабазар (74), О.Үйтүмэн, Б.Нямбаяр (86), Б.Одсүрэн (97), М.Лхагвагэрэл, О.Мөнх-Эрдэнэ (125 кг) гэсэн 11 тамирчин хүч үзсэн юм. 86 кг-ын жинд Азийн АШТ-ий мөнгө, хүрэл, цэргийн спортын наадмын хүрэл медальт, цэргийн дэлхийн аварга, Иван Ярыгиний нэрэмжит “Алтан Гранпри”-гийн мөнгөн медальт, Үндэсний шигшээ баг, “Алдар” спорт хорооны тамирчин ОУХМ Оргодолын Үйтүмэн, 125 кг-д залуучуудын Азийн АШТ-ий мөнгө, “Монголиа Опен”, Дмитрий Миндиашвилигийн нэрэмжит ОУТ-ий хүрэл, Борис Будаевын нэрэмжит залуучуудын ОУТ-ий хошой мөнгөн медальт, Үндэсний шигшээ баг, “Аварга” сургуулийн тамирчин Мөнхтөрийн Лхагвагэрэл нар хүрэл медаль хүртэв. Тэд Дмитрий Коркинийн нэрэмжит тэмцээнээс Монголын бөхчүүдийн 24, 25 дахь медалийг (нийт 3 алт, 4 мөнгө, 18 хүрэл хүртсэн) эх орондоо авчирлаа.
О.Үйтүмэн Израилийн Дмитрий Фурман, Туркийн Габер Демирташ нарыг ялсан ч хагас шигшээд “Москва-2010” ДАШТ-ий хүрэл медальт, 2009 оны Евопын аварга Хойд Осетийн 35 настай хашир туршлагатай бөх Сослан Кцоевтой тун тэнцүүхэн барилдаж 3:4-өөр ялагдав. Хүрэл медалийн төлөөх барилдаанд нутаг нэгт ОУХМ Б.Нямбаярыг цэвэр ялснаар долоо хоногийн өмнө Кемеровод болсон “Шахтерская Слава” тэмцээний хүрэл медалиа Якутад ихэрлүүлэв.
Өсч яваа залуу тамирчин М.Лхагвагэрэл шөвгийн наймд 23 хүртэлх насны ЕАШТ-ий хүрэл медальт Хойд Осетийн Виталий Голоевт ялагдсан. Улмаар хүрэл медалийн төлөөх барилдаанд энэ жилийн Буриадын Ерөнхийлөгчийн нэрэмжит ОУТ болон ОХУ-ын АШТ-ий хүрэл медальт Буриадын Цыбик Максаровтой барилдах байсан ч өрсөлдөгч нь бэртлийн улмаас дэвжээнд гарч ирээгүй.
-
2017 оны 10 сарын 02
“Мөрөөдлийн театр”-ын уран бүтээлчдийн цоо шинэ уран бүтээл болох “Сошиал эвлүүлэг” шоу тоглолт өнгөрсөн хагас сайн өдөр нээлтээ хийлээ. Танхим дүүрэн үзэгч, халуун алга ташилтан дор үзэгч олонтойгоо уулзсан тус шоу тоглолт гэнэтийн бэлгээр дүүрэн байна.
-
2017 оны 10 сарын 01
Гэгээн хайрыг магтан дуулагчид жилдээ нэг хуран цуулдаг хайрын шүлгийн “Цагаан Уул” яруу найргийн наадам 19 дэх жилдээ 10-р сарын 13-ны өдөр зохион байгуулагдах гэж байна. 1991 оноос хойш тасралтгүй, уламжлал болгон зохион байгуулагдаж байгаад яруу найрагчид, яруу найраг сонирхогчид талархалтай байдаг. Уг наадам нь залуу яруу найрыгчдыг төрүүлэхэд томоохон түлхэц өгдөг гэдгийг хэлэх хүн цөөнгүй байдаг.
Наадмын хамрах хүрээ улам өргөжиж нийслэлийн яруу найрагчдаас гадна 21 аймаг, 330 сумын уран бүтээлчид оролцдог болсон. Орон нутгийн яруу найрагчид оролцдог болсон нь энэхүү наадмын чанар чансааг улам нэмэх болсон.
Уг наадмын анхны цомын эзнээр сэтгүүлч Ц.Оюундарь тодорч байсан бол А.Эрдэнэ-Очир, Г.Мөнхцэцэг, Л.Өлзийтөгс, Г.Аюурзана, Д.Оюундэлгэр, Л.Ганзул, Ю.Болдхуяг, Л.Моломжамц нар дараа дараагийн тэргүүн байрын эздээр тус тус шалгарсан нь энэхүү наадмыг ямар үнэ цэнэтэй болохыг улам тод томруун харуулах бизээ.
Залуу шүлэгчдийн аяны дөрөөнд сүү мялааж, Монголын яруу найрагт өөрийн нэрийг тунхаглах залуу авьяастнуудыг төрөн гарахад үнэтэй хувь нэмрээ оруулдаг “Цагаан Уул” наадмын эхний шалгаруулалт 10-р сарын 10 хүртэл явагдана. Наадмын сүүлийн шалгаруулал 10-р сарын 13-ны өдөр МҮОНТ-ээр шууд дамжуулагдах болно. Яруу найрагчид та бүхнийг оролцохыг урьж байна. Оролцох хүсэлтэй залуус ... дарж бүртгэлээ хийлгэнэ үү.
-
2017 оны 10 сарын 01
Аравдугаар сарын зурхай
-
2017 оны 9 сарын 30
150 гаруй жилийн туршид өөр нэгэн урлагийн цуглуулгад хадгалагдаж байсан нүүрсэн будгаар зурсан нэрт зураач Леонардо да Винчигийн алдарт бүтээл ”Мона Лиза”-ийн хөрөг зургийн нооргийг олсон гэж Францын урлаг судлаачид мэдээлсэн байна.
-
2017 оны 9 сарын 30
Playboy-ын үүсгэн байгуулагч Хью Хефнер амьдралынхаа турш маш олон бүсгүйчүүдтэй болзож, нэр холбогдож явсан, тэдгээрийн дунд эрэгтэй хүн хүртэл байдаг гэнэ. Хью Хефнерийн найз бүсгүйчүүдээс хамгийн онцлох бүсгүйчүүдийг танилцуулж байна.
-
2017 оны 9 сарын 30
Монголын Үндэсний Олимпийн Хорооноос энэ сараас эхлэн тодруулж буй ”Сарын шилдэг тамирчин”-ыг нийт иргэд болон спортын сэтгүүлчдийн санал асуулгаар тодруулсан. Энэ сарын шилдэг тамирчдаар Унгарын Будапешт хотноо болсон жүдо бөхийн ДАШТ-д түрүүлсэн МУГТ, Олимпийн наадмын мөнгөн медальт Доржсүрэнгийн Сумъяа болон Францын Парис хотноо болсон чөлөөт бөхийн ДАШТ-ээс алтан медаль хүртсэн ОУХМ Пүрэвдоржийн Орхон нар санал асуулгын дүнгээр сарын шилдэг тамирчид болсон билээ.
Тэгвэл өнөөдөр тэднийг МҮОХ-ны байранд хүлээн авч уулзан шагнал гардууллаа. Энэ үеэр МҮОХ-ны ерөнхий нарийн бичгийн дарга, хөдөлмөрийн баатар Э.Бадар-Ууган сарын шилдгийг тодруулах тус шагналыг цаашид уламжлал болгон явуулах хүсэлтэй байгаагаа илэрхийлсэн юм.
-
2017 оны 9 сарын 29
”Playboy” сэтгүүлийг үүсгэн байгуулагч Хю Хефнер 91 насандаа ертөнцийн мөнх бусыг үзүүлсэн
-
2017 оны 9 сарын 29
Одоогоос таван жилийн өмнө Шанхай хотноо болсон “Авьяаслаг хятадууд-2011” шоунд Өвөрмонголын Хөлөнбуйраас оролцсон бяцхан хүү Б.Уудам “Алсад суугаа ээж” дууг дуулж, үзэгчид төдийгүй шүүгчдийг уйлуулсан билээ. Эцэг эхээ хар багадаа алдсан хүү тухайн үедээ дэлхийг нов ногоон өвсөөр бүрхдэг шидэт бэх зохион бүтээхийг мөрөөдөж явдгаа ярьсан юм. Хожим нь хүү мориор дэлхийг тойрох хүсэлтэй хэмээн хүсэл мөрөөдлөө уудалсан.
Б.Уудам хүү өнгөрсөн намраас Канадад суралцаж эхэлсэн бөгөөд тэндээ хэдэн жил амьдрах төлөвтэй байгаа аж. Тэрбээр Канадын алдарт хөгжимчин Эдгар Муеналатай хамтран “Алсад суугаа ээж” дууг дахин амилуулжээ. Хөгжмийн зохиолч, удирдаач Эдгар Муенала 25 жил аялан тоглолт хийж яваа уран бүтээлч ажээ. Уудамтай хамтарсан талаараа “Уудам хүүгийн дууг сонсоод хамтрах хүсэл төрсөн. Та нар намайг сайн дэмжвэл энэ сайхан аялгууны оронд очно” хэмээн ярьсан байна.
-
2017 оны 9 сарын 28
Дэлхийн хүүхдийн загварын олимп болох “Top Teen Model of the Planet- 2017” тэмцээний Гран при цомыг монгол охин хүртжээ. Гүрж улсын нийслэл Батуми хотод энэ сарын 17-ноос 23-ны өдрүүдэд зохион байгуулсан уг тэмцээнд амжилттай оролцсон бяцхан моделиуд өнөөдөр эх орондоо ирлээ.
Дэлхийн 19 орны 36 модель оролцож, авьяас чадвараа сорьсон бөгөөд Монгол Улсаа төлөөлөн оролцсон баг нэгдүгээр байранд шалгарчээ. Харин бүх насны ангиллын Гран при шагналыг “Охидын мисс төв”-ийн “Шилдэг модель” Н.Эмүжин хүртсэн тухай мэдээг “Бяцхан мисс” олон улсын хүүхдийн байгууллагын тэргүүн Э.Оюунтунгалаг дуулгалаа.
Энэ удаагийн тэмцээнд “Seoul LBMA STAR AGENCY TOP 7”-ийн С.Түмэнжаргал, “Бяцхан мисс-2016” Улсын уралдаант тэмцээний “Шилдэг оролцогч”, “Охидын мисс төв”-ийн “Шилдэг модель” А.Маралгуа, Дорноговь аймгийн “Оны шилдэг хүүхэд”, “Охидын мисс төв”-ийн “Шилдэг модель” Г.Уянгадарь, Эрдэнэт хотын “ТОП” загвар өмсөгч Э.Охиноо, “Охидын мисс төв”-ийн “Шилдэг модель” Н.Эмүжин зэрэг үзэсгэлэнт таван бяцхан охид оролцжээ.
-
2017 оны 9 сарын 28
Энэ сарын 29-өөс 10-р сарын 5-ыг дуустал XБНГУ-ын Фридрих-Эберт-Сан, Ланд Арт Монголиа ТББ хамтран ART Public UB 2017 нэртэй олон нийтийн урлагийн долоо хоногийг Улаанбаатар хотод зохион байгуулах гэж байна. Дээрх өдрүүдэд олон улсын соёл урлагийн байгууллагуудын мэргэжилтнүүдийн чуулган болохоос гадна орчин үеийн уран бүтээлчдийн урлагийн бүтээлүүдийг толилуулах юм байна. Ингэснээр олон нийтэд урлагийн тухай хоорондоо хөөрөлдөх боломжийг бий болгож, уран бүтээлчдэд цаашдын ажилд нь шинэ санаа сэдлийг, өгөх зорилготой хэмээн зохион байгуулагчид онцолж байна. Мөн энэ өдрүүдэд болох чуулганаар уран сайхны бүтээл, найруулгын онол, гүн ухаан зэрэг сэдвүүдээр олон улсын мэргэжилтэнгүүд санал солилцоно. Бүх арга хэмжээ хүн бүрт нээлттэй үнэ төлбөргүй зохион байгуулагдах бөгөөд хөтөлбөрийн хүрээнд музей, хувийн галлерэйнүүдийн нээлтэд очих боломжтой юм байна.
-
2017 оны 9 сарын 28
Дэлхийн алдарт ”Play Boy” сэтгүүлийн үүсгэн байгуулагч Хью Хефнер 91 настайдаа таалал төгсчээ.
-
2017 оны 9 сарын 27
Нийслэлийн Засаг Даргын Тамгын газар, Нийслэлийн Соёл, урлагийн газар, Монголын Урлагийн зөвлөл, Монголын Кино урлагийн зөвлөл хамтран кино урлагийн салбарын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилгоор “Улаанбаатар” олон улсын IX кино наадмыг зохион байгуулж байгаа бөгөөд энэ удаагийн наадамд Монгол, Америк, Ази, Европын кино уран бүтээлчид болон олон улсын нэр хүндтэй кино наадмын зохион байгуулагчид уригдан оролцоно.
Наадмын хүрээнд Нийслэлийн Соёл, урлагийн газраас санаачлан Монгол киноны уралдааныг зарласан бөгөөд тус уралдаан нь “Уран сайханы кино”, “Баримтат кино”, “Хүүхдийн кино бүтээл”, “Нээлтийн кино” гэсэн дөрвөн төрөлд тус бүр нэг кино бүтээлийг шалгаруулж, цом, өргөмжлөл, мөнгөн шагналаар шагнах юм.
“Улаанбаатар” олон улсын IX кино наадмын “Нээлтийн кино”-ны төрлийн шалгаруулалтанд 2016 оны 1-р сарын 1-нээс 2017 оны 09-р сарын 15-ны дотор бүтээгдсэн болон нээлтээ хийгээгүй кинонууд оролцсон бөгөөд найруулагч Д.Золбаярын бүтээл “Чингисийн хүүхдүүд” уран сайхны кино шалгарсан. Түүнчлэн “Уран сайханы кино”, “Баримтат кино”, “Хүүхдийн кино бүтээл”-ийн шалгаруулалтын дүнг 2017 оны 10 сарын 10-ны өдөр танилцуулж шагнал гардуулах юм.
-
2017 оны 9 сарын 27
Тун удахгүй нээлтээ хийх гэж буй “Чингисийн хүүхдүүд” уран сайхны киноны хөгжмийн концертыг Монгол Улсын Филармонийн үүсэн байгуулагдсаны 45 жил, Морин хуурын чуулгын 25 жилийн ойд зориулан зохион байгуулах гэнэ.
Хурдан морь унаач гурван хүүгийн тухай өгүүлсэн, уянгын сэдэвтэй уран сайхны киноны хөгжмийн зохиолчоор хөгжмийн зохиолч Ш.Өлзийбаяр /СТА/ ажиллажээ. Нийт арван зохиолоос бүтсэн тус хөгжмийг дангаар нь сонсох боломжийг Улсын Филармонийн уран бүтээлч хамт олон бидэнд олгоод байна. “Дэлхийн болон Чингисийн хүүхдүүд” киноны хөгжмийн концерт нь хоёр хэсэгтэй аж. Эхний хэсэг нь та бидний сэтгэлд хоногшсон шилдэг кинонууд болох The good the bad and the ugly, Pearl Harbor, Terminal, Malena, Playing love, Алтан өргөө, Pirates of the Caribbean, Аравт гэх зэрэг киноны хөгжмөөс толилуулах бол түүний дараагаар “Чингисийн хүүхдүүд” дангаараа тоглогдоно. Тус хөгжмийг дээрх кинонд Морин хуурын чуулга дангаараа тоглосон бол энэ удаад Улсын Филармонийн Симфони найрал хөгжимтэй хамтарч, удирдаач Д.Нямдаш /СТА/, Д.Түвшинсайхан /СТА/, Б.Батбаатар /СТА, Б.Анар нарын удирдлагаар толилуулах юм. Тоглолт 2017 оны 10-р сарын 05-нд 19:00 цагт “The Corporate Hotel and Convention Centre”-н концертын танхимд болно. Тасалбарыг Филармонийн кассаар болон цахим худалдааны https://www.ticket.mn/event/date/772/ сайт, EMart, Hifi records, Shangri La Mall-н ticketbox-р худалдаалж байгаа юм. 200 гаруй уран бүтээлчийн хөгжмөөр дамжин үзэгчдэд хүрэх сэтгэлийн хөг эгшиг, гэрэл гэгээт аялгуунд саатах цорын ганц үдэш мөдхөн ирэх нь байна.
-
2017 оны 9 сарын 27
Уругвай улсын Монтевидео хотод шатрын өсвөр үеийнхний ДАШТ энэ сарын 16-26-нд болж, монгол шатарчин түрүүллээ.
Тэмцээнд 53 орны 400 орчим тамирчин гурван насны ангилалд есөн өрөг өрсөлдөхөд 14 хүртэлх насанд ДШХ-ны мастер Д.Батсүрэн алтан медаль хүртжээ. Түүнтэй хамт эх орноо төлөөлөн өрсөлдсөн М.Мандуухай, Ү.Агьбилэг нар 10-12 дугаар байрт оров.
-
2017 оны 9 сарын 26
Азийн оюутны аварга, Азийн танхимын наадмын хүрэл медаль хүртсэн амжилтын оноогоор FIBA 3x3-ийн гишүүн 190 орноос Монгол Улс чансаагаараа 39 дүгээрт бичигдэж эхэллээ.
Үүнээс гадна play.fiba3x3.com-д 520,000 гаруй тамирчин бүртгэлтэйгээс 120,000 сагсчин FIBA 3x3-ийн дэлхийн чансааны оноо авав.
Монголын тамирчид Азийн наадмын хүрэл медаль авсны дараа чансаа нэмэгдэж Г.Цэнгүүнбаяр 74, Д.Дэлгэрням 79, Э.Дөлгөөн 83 дугаарт тус тус бичигдсэн байна.
