Ойрын 20 жилд тэмдэглэгдээгүй сарны бүтэн хиртэлт өнөө шөнө буюу энэ сарын 27-ноос 28-нд шилжих шөнө тохионо.

Ганц хиртэлт ч бус энэ үеэр сар дэлхийд хамгийн ойр зайд дөтлөн ирж, ердийнхөөсөө 14 хувь том, 30 хувь тод гэрэлтэж харагдах аж.

Хиртэлт 72 минут үргэлжлэх юм.

Сансар судлаачид уг үйл явдлыг тэсэн ядан хүлээж байна. Сар хиртэх үеэр нарны эрчим хүч тасалдаж, нарны цэнэгээр ажилладаг сансрын хөлөг эх үүсвэргүй болох магадлалтай учир NASA-ийн зүгээс тааламжтай хандахгүй байна. Сар хиртэх үед цаг уур эрс хүйтэрч нар халхлагдах тул цэнэгтэй батерей бэлдэх, утасныхаа wifi болон зарим програмыг хаахыг NASA-аас анхааруулж байна. Тэрбээр “Бид сансрын хөлгийг аюулгүй байлгах арга хэмжээг авна. Мөн учирч болзошгүй аюулд бэлэн байгаа гэжээ.
 

Харин дараагийн удаа сар хиртэлт 2033 онд үзэгдэх аж. Сарны бүтэн хиртэлтийг Умард болон Өмнөд Америкаас бүхэлдээ, Европ, Африк, Азийн баруун хэсэг, Номхон далайн бүс нутгийн дорно хэсгээс тодорхой харж болох юм байна.
 

Энэ үед дэлхийн сүүдэр саран дээр тусах учраас сарны өнгө улаан өнгөтэй харагдах ажээ. Сарны бүтэн хиртэлт өнгөрсөн зуунд 1910, 1928, 1946, 1964, 1982 онуудад тохиож байжээ.