Казахстаны Алматы хотод болж буй Ази тивийн олимпийн эрх олгох тэмцээний 125 кг-ын жинд Мөнхтөрийн Лхагвагэрэл Монголын чөлөөт бөхийн тамирчдаас долоо (одоогоор эрэгтэй 2, эмэгтэй 5 эрх аваад байна), Казахстанаас тав дахь эрхийг авчирлаа.

М.Лхагвагэрэл тэгшитгэлд Пакистаны Хароон Абидийг 12:2-оор, шөвгийн наймд Кыргызстаны Айаль Лазаревийг 7:2-оор, хагас шигшээд Японы Тэцүя Танакаг 9:0-ээр тус тус ялж олимпийн наадмын эрхээ халаасалсан.

Тэрбээр хоёр жилийн өмнө нь Улаанбаатарын дэвжээнд 23 хүртэлх насны Азийн аваргын финалд ялагдаж байсан Казахстаны Юсуп Батырмурзаевтай орой нутагт нь даагаа нэхнэ.

Б.Жаргал