И-спортын хамгийн том төрлүүдийн нэг болох CS:GO-ийн дэлхийн аварга шалгаруулах тэмцээн Бельги улсын Антверпен хотод бүс нутгийнхаа хамгийн шилдэг 24 багийн дунд амжилттай зохиогдож байна. Уг тэмцээнд манай улсыг төлөөлөн оролцож буй IHC Esports баг өчигдөр хасагдах шатны ялагдах эрхгүй тоглолтыг Австралийн Ренегейдс багийн эсрэг Инферно болон Даст-2 дээр хийж 16:10, 16:12 гэх харьцаатайгаар ялалт байгуулсан.
Улмаар тэмцээнийг цааш үргэлжлүүлэхээр болсон залуус маань өнөөдөр 18:00-аас тэдэнтэй адил нэг хожил, хоёр хожигдолтой яваа Бразилын Империал Испортсын эсрэг тоглоно. Эхэлж хоёр удаа ялалт байгуулсан баг нь тэмцээнийг цааш үргэлжлүүлэх эрхтэй болох бол ялагдал хүлээсэн баг нь энэ удаагийн ДАШТ-ээс хасагдана. Империал багийн тамирчдын хувьд асар их туршлагатай ч ахмад тамирчдын эгнээнд бичигддэг тул манай тамирчдад ялалт байгуулах боломж бүрэн бий.
