Улсын Их Хурлын гишүүн С.Чинзориг Сумдын Засаг даргын Тамгын газрын албан хаагчдад бусад төрийн албан хаагчдын адил ажилласан жилийн нэмэгдэл олгодог болох тухай хуулийн төслийг УИХ-ын даргад өргөн барьлаа. 

Тэрбээр "УИХ-ын нэр бүхий гишүүд төрийн албаны тухайн хуульд өөрчлөлт оруулах тухай хуулийг төслийг УИХ-ын даргад өргөн барилаа. Энэ хуулийн төслийн гол зарчим бол сумын засаг даргын тамгын газарт ажиллаж буй төрийн албан хаагчдын цалин хөлсний нэмэгдүүлэх, нийгмийн баталгааг сайжруулахтай холбоотой харилцааг зохицуулахаар хуулийн төсөлд боловсруулсан байгаа.

Сумын засаг даргын тамгын газарт ажиллаж буй албан хаагчдын цалин 615 мянган төгрөг байна. Цалин бага байгаа учир тэнд байгаа төрийн албан хаагчид төрийн үйлчилгээг хүртээмжтэй хүргэх бололцоо нөхцөл нь олдохгүй байна. Цалин хөлс бага байгаа учир шилжих хөдөлгөөн өндөртэй байна.

Мөн 1300 гаруй төрийн албан хаагч өөрсдийн хүсэлтээр ажлаас чөлөөлөгдөж, өөр ажилд шилжсэн байна. Одоогоор 1089 орон тоо сумын засаг даргын тамгын газарт байна. Мэргэжилтэй залуучууд энэ орон тоонд бүртгүүлэхгүй байна. Тиймээс сумын засаг даргын тамгын газарт ажиллаж буй албан хаагчдад таван жил тутамд нэг удаа зургаан сарын цалинтай тэнцэхүйц хэмжээний мөнгөн тэтгэмж олгодог байх хуулийн төслийг боловсруулсан. Ингэснээр тогтвор суурьшилтай ажиллаж, төрийн үйлчилгээг хүртээмжтэй хүргэнэ гэж үзэж байна. Хоёрдугаарт, Орон нутагт ажиллаж байгаа төрийн захиргааны албан хаагчдад нэг удаа мөнгөн тэтгэмж олгодог байх, орон нутгийн нэмэгдэл олгодог байх хуулийн төслийг хэлэлцээд нэгдсэн нэг зохицуулалтаар асуудлын шийдэж байхёстой” гэв.

Д.Батчулуун