Улсын Их Хурлаас “Төсөв-2023” олон нийтийн нээлттэй хэлэлцүүлэг зохион байгуулж байна. Энэ үеэр Эдийн засаг, хөгжлийн сайд Ч.Хүрэлбаатар мэдээлэл танилцууллаа.

Тэрбээр "Монгол Улсын эдийн засаг 2017-2019 онд 6,3 хувиар өссөн. Харин 2022 оны эхний жилд өсөлт 1.9 хувь гарлаа. Оны төгсгөл дээр 2.6-3 хувийн өсөлт гарна гэдэг тооцоог хийсэн. Инфляц бол зорилтот төвшнөөсөө илүү гарчихсан явж байгаа. Мөнгөний бодлого дээр тавигдсан инфляц бол 6 хувь гэж байсан. Үүнээс даваад Монгол Улсын инфляцын түвшин бол хоёрдугаар хагасаас эхлээд буурах хандлага харагдаж байна. Монгол Улсын эдийн засаг болон инфляцад нөлөөлөх хамгийн том эрсдэл бол ханшийн эрсдэл байгаа гэж бид үзэж байна. Голлох бүтээгдэхүүнүүдийн экспорт цар тахлын өмнөх үед хүрээгүй.

Цар тахлаас өмнө 36,5 сая тонн нүүрс гаргаж байсан бол одоо 12.5 тонн нүүрс экспортлох дутуу байна.

• Зэсийн баяжмал 1398 тонн байсан бол 12.3 тонн дутуу 
• Алт 9.1 тонн байсан бол энэ онд 8 гаруй тонноор давуу 
• Газрын тос 4318 мянган баррелиар дутуу
• Төмрийн хүдэр 8421 мянган тонн байсан бол 3301 тонн дутуу
• Жонш 700 мянган тонн байсан бол 290 мянган тонн дутуу байна. 

Хамгийн гол зүйл бол валютын нөөц байгаа юм. Хүн бүрийн ажиглаж байдаг зүйл. 2013 оноос хойш хамгийн доод түвшинд буюу 1.5 тэрбум ам.долларын алдагдалтай байна. Гадаад валютын нөөц оны эхнээс 1.6 тэрбум ам.доллароор буурч 2.8 тэрбум ам.долларт хүрлээ. Унаж байсан валютын хандлага зогсож, эргэн өсөх хандлагатай байгаа гэдгийг хэлье.

Сүүлийн арван жилийн хугацаанд валютын нөөц, төгрөгийн ханш хоёр удаа уналт хийсэн. 2016, 2021 онд уналт хийсэн. Төгрөгийн ханш 3372 төгрөг болж, оны эхнээс төгрөгөөр буюу 18 хувиар сулраад байна. Мөнгөний нийлүүлэлтийн оргил үе 2021 оны нэгдүгээр улиралд 28 их наяд төгрөг байсан. Энэ нь тогтворжиж 27.10 их наяд төгрөг болсон. Зээлийн үлдэгдэл сүүлийн хоёр сар дараалаад буурч байна. Зээл хэрэглээ, худалдааны салбар руу явах хандлага харагдаж байна. Хэрэглээ өсөж, бодит орлого буурч байна. Энэ нь иргэдийн хадгаламжаас харагдаж байна" гэв.

Д.Батчулуун