Олон улсад алдартай цэцгийн бүтик болох Swallows & Damsons-ийн үүсгэн байгуулагч, цэцгийн дизайнер Анна Поттер цэцгийн баглааг илүү удаан хугацаанд амьд байлгах гоёмсог аргачлалуудаас хуваалцаж байна. 

Цэцгэн хэлхээ хийх

Шинэхэн цэцэгсийг удаан хадгалах шалгарсан аргын нэг бол цэцгэн хэлхээ хийх юм. Цэцгэн хэлхээг хийхэд цагариг, цэцгийн үндсийг чийглэг байлгах зориулалтын хуруу шил, олсон утас, хайч, бахь шаардлагатай. Бүтээлчээр урласан цэцгэн хэлхээг тууз, саатай утас зэргээр чимэглэх ба цэцгийн үндсийг чийглэг байлгах нь хамгийн чухал болохыг тэрээр зөвлөлөө.

Тогтоогч суурин дээр байрлуулах

Баглаа цэцэгсийнхээ байгалийн өнгө төрхийг авч үлдэхийг хүсэж байгаа бол цэцэг, ургамлыг тогтоох зориулалттай хадаастай хүнд төмөр суурь, жижиг нүхтэй керамик суурь зэргийг ашиглаарай. Ингэхдээ хатсан цэцэгс, мөчир болон шинэхэн цэцэгсийг холин ваби-саби өнгө аястай цэцгийн хоршил үүсгэн байгалийн мэдрэмж аваарай.

Хананд өлгөж тогтоох

Цэцгийн үндэс хэсгээс нарийн утсаар уяж өлгөх, аль эсвэл наалддаг туузны тусламжтайгаар хананд наах зэргээр тогтоох нь цэцгийг илүү удаан амьд байлгахаас гадна илүү гоёмсог үзэмжтэй хэвээр хатдаг давуу талтай.

Намхан ваар болон шаазан торхонд хийх

Энэхүү аргачлал нь японы икэбана гэх цэцэг хослуулах урлагтай төстэй гэж ойлгож байна. Гэхдээ цэцгийг байрлуулах ваарны загвараас шалтгаалан илүү барууны хэв маягтай, максимал хоршлыг үүсгэх боломжтой.