Лалын босогчид Багдадад улам ойртож байгаатай зэрэгцээд газрын тосны магнатууд болох “Exxon Mobil” болон “British Petrolium” компаниуд Ирак дахь ажилчдаа эргүүлэн татаж эхэлсэн байна. Гэхдээ одоогоор эдгээр компанийн Ирак

Иракийн Засгийн газрын цэргийн хүчнийхэн. Зургийг: bloomberg.com

дахь үйл ажиллагаанд ямар нэгэн өөрчлөлт ороогүй гэж удирдлагууд нь мэдэгджээ. Түүнчлэн “ОПЕК”-ийн хоёр дахь том нийлүүлэгч болох Иракийн газрын тосны гол нөөц өмнөд хэсэгт байгаа учраас босогчдын халдлагад өртөөгүй гэж албаныхан онцолсон байна. Мөн нутгийн хойд хэсэгт орших Багуда хотын ойролцоо босогчид болон Засгийн газрын цэргүүд хооронд ширүүн мөргөлдөөн болжээ. Тус хотод Иракийн газрын тосны хамгийн том боловсруулах байгууламж оршдог аж. Хэдийгээр Засгийн газрын арми лалын босогчдоос тус үйлдвэрийг хамгаалж чадсан гэж мэдэгдэж байгаа ч орон нутгийн цагдаагийн газраас босогчид аль хэдийнэ үйлдвэрийг хяналтдаа авсан гэж мэдээлжээ. Үүний зэрэгцээ Иракийн Ерөнхий сайд Нури аль-Малики мэдэгдэл хийж улс орон даяар үүсээд байгаа нөхцөл байдал хөрш орнуудад нь эрсдэл дагуулж байгааг сануулсан байна. Харин АНУ-ын зүгээс цэрэг илгээхээсээ урьтаж, улс төрийн яриа хэлэлцээрийн замаар асуудлыг шийдэх хүсэлтэй байгаагаа илэрхийлжээ. Гэхдээ өнөөдөр АНУ-ын Ерөнхийлөгч Барак Обама Иракт дэмжлэг үзүүлэх боломжит арга хэмжээний талаар Конгрессийн гишүүдтэй хэлэлцэх юм байна

Газрын тосны магнатууд Иракаас ажилчдаа гаргаж эхэллээ

- See more at: http://bloombergtv.mn/%D0%B3%D0%B0%D0%B7%D1%80%D1%8B%D0%BD-%D1%82%D0%BE%D1%81%D0%BD%D1%8B-%D0%BC%D0%B0%D0%B3%D0%BD%D0%B0%D1%82%D1%83%D1%83%D0%B4-%D0%B8%D1%80%D0%B0%D0%BA%D0%B0%D0%B0%D1%81-%D0%B0%D0%B6%D0%B8%D0%BB%D1%87%D0%B4%D0%B0%D0%B0-%D0%B3%D0%B0%D1%80%D0%B3%D0%B0%D0%B6-%D1%8D%D1%85%D1%8D%D0%BB%D0%BB%D1%8D%D1%8D/#.dpuf