Монголын кино урлагт Инээдмийн уран сайхны киноны төрлөөр хүч түрэн орж ирж буй "Оюунлаг Продакшны" 3 дахь уран бүтээл болох "Туршилтын хосууд" инээдмийн уран сайхны кино энэ сарын 20-нд нээлтээ хийлээ. Энэхүү киноны ерөнхий найруулагч, продюсерээр Сэр-Од, Отгонбаяр нар ажилласан бөгөөд гол дүрд жүжигчин Адъяа, Хулан, Мааз хамтлагийн дуучин Жанчив. Баатархүү, Золбоот нар тоглосон байна. Өнөөдөр киноны багийнхан үзэгчдэд барих нэгэн бэлгээ задаллаа. Нэг сарын хугацаатай 3 үе шаттай зарлагдах тэмцээнд оролцоод түрүүлсэн нэг хосод орон сууцны байрны урьдчилгааг нь төлж өгөх юм байна.

Тэмцээнд бүртгүүлэхийн тулд “Туршилтын Хосууд” киног үзсэн хос тасалбараа Bee Café-д авчрахад л хангалттай юм байна. Тэмцээнд оролцох хосуудыг бүртгэх хугацаагаа 5 сарын 27-өөс 6 сарын 10-ний 22:00 цаг хүртэл гэж зарлажээ. Тэмцээний эхний шат нь 5 сарын 30-аас эхлэн 6 хоногийн хугацаатай үргэлжлэнэ. Кино багийнхан тун удахгүй залуу хосод бэлэглэх байрныхаа талаар дэлгэрэнгүй мэдээлэл өгнө гэлээ. Хямралыг сөрөн залуу хосуудад байртай болох боломж олгож буй "Оюунлаг Продакш"-ны хамт олонд баярлалаа.