Монгол улсын Ерөнхийлөгчийн ивээл дор зохион байгуулж буй “Хүнсний хангамж аюлгүй байдал-Хүнс үйлдвэрлэл” үзэсгэлэн худалдаа “Сүхбаатар”-ийн талбайд энэ сарын 6-8ний өдрийг хүртэл үргэлжилж байна.
Хөлбөмбөгийн тэмцээнд зориулан зассан ногоон зүлгээ тойруулан үзэсгэлэнгийн асруудыг барьсан нь тав тухтай орчныг мэдрүүлэх шиг. Үзэсгэлэнг сонирхон ирэх иргэдийн тоо нэмэгдэхийн хэрээр худалдаа эрхлэгч, үйлдвэрлэгчид завгүй ажиллана.
Асарын баруун жигүүрт цахилгаан бараа, сав баглаа боодол, нэг удаагийн хэрэгслүүд зарагдах гэж буй нь харагдана.
Үзэсгэлэн худалдаанд: “Жүр үр, Мах импкес, Багро, Апу ХХК, Сүү ХХК, Өгөөж ХХК” болон шинэхэн “Амтат догбуги, Эзэгтэй наран цэцгийн тос, Шар сүүний ундаа, Монконди гэх мэт дотооддоо үйлдвэрлэгч компаниудын бүтээгдэхүүн үйлдвэрийн үнээр худалдаалагдаж байгаа нь аж.
Энэ үеэр чихэр үйлдвэрлэгч “Монконди” брэндээс тодрууллаа.
Беларусь, Малайз, Турк зэрэг орнуудаас түүхий эд авчран монголдоо чихэр үйлдвэрлэдэг. 3000м2 үйлдвэрийн талбай, 100 гаруй үйлвэрийн ажилчидтай 18 нэр төрлийн чихрэн бүтээгдэхүүнтэй. Сүүн голтой, Конекон голтой, Мөн монголдоо ургадаг аньс, нэрс, үхрийн нүд, чацаргана зэрэг жимсээр хийдэг.
Маркетингийн менежер О.Гангаханд, “Монголчууд багаасаа орос чихэрийг идээд сурцан илүү дуртай болохоор голдуу тийм амттай. Манай байгууллагын хамгийн гол баримталдаг зүйл бол “Үнэ”, импортоор оруулж ирж байгаа чихэр их үнэтэй тусдаг учраас манай үйлдвэрийн нэг кг чихэр 11900 төгрөг гэсэн үнийг барьж явдаг. Хэрэглэгчийн хэрэгцээнд нийцүүлж үнийг боломжийн байлгах гэж хичээдэг.
2020 оноос үйл ажиллагаагаа явуулж байна. Цар тахлын улмаас үйлдвэрлэл түр зогссон. Эргээд үйл ажиллагаагаа явуулаад хүмүүсийн гарт бүтээгдэхүүнээ хүргэж байна. Манай бүтээгдэхүүн зах зээлд баггүй эрэлттэй байгаа” гэв.
Д.Бат-Эрдэнэ, М.Балжинням
