Дөрвөн жилийн хугацаанд хэрэгжсэн “Монгол Улсад хүүхэд хамгааллын тогтолцоог бэхжүүлэх нь” төсөл тайлангаа танилцууллаа. Уг төслийг "Хүүхдийг ивээх сан", "Жайка", "Гэр бүл,хүүхэд,залуучуудын хөгжлийн газар", "Монгол Улсад гэмт хэргээс урьдчилан сэргийлэх ажлыг зохицуулах зөвлөлийн ажлын алба"-тай хамтран хэрэгжүүлжээ. Төслийн хүрээнд хууль эрх зүйн хэрэгжилтийг хангахад хамтарсан багт аргазүйн дэмжлэг үзүүлснээр хүүхэд хамгааллын тогтолцоог бэхжүүлэх, үйлчилгээг сайжруулах зорилготой ажилласан байна.
Өнгөрсөн 20 жилийн хугацаанд хийсэн ажлаас танилцуулвал:
- “Хөдөлмөр эрхлэгч хүүхдийн хамгааллыг дэмжих нь"
- “Гэр бүлд түшиглэсэн халамжийн хувилбарт үйлчилгээ”
- “Хүүхэд хамгааллын чиглэлээр төрийн албан хаагчдын чадавхыг нэмэгдүүлэх”
- “Монгол улсад Хүүхдийн хамгааллын тогтолцоог бэхжүүлэх нь-1”
- “Гамшиг онцгой байдлын үеийн хүүхэд хамгаалал”
- “Нийгэмшүүлэх цирк”
- “Хүүхэд ба дуран”
- “Хот айл” зэрэг төсөл хөтөлбөрүүдийг хэрэгэжүүлж “Хүүхэд төв”-ийг байгууллаа.
“Монгол Улсад хүүхэд хамгааллын тогтолцоог бэхжүүлэх нь” төслийн хүрээнд зорилтот орон нутагт хамтарсан багууд хүүхэд хамгааллын асуудалд хариу үйлчилгээ үзүүлэх суурь,ойлголт,мэдлэг бэхжиж,хамтарсан багууд хүүхдийн эсрэг хүчирхииллийн өндөр эрсдэлтэй тохиолдлууд дээр мэргэшин ажиллах чадвартай болжээ. Мөн эцэг эхчүүдийг хүчирхийлийн бус, хүмүүжлийн эерэг аргын сургалтад хамруулж хүүхэдтэйгээ харилцах мэдлэг ур чадварыг нэмэгдүүлсэн төдийгүй хүүхэд хамгааллын талаарх иргэд олон нийтийн ойлголтыг нэмэгдүүлэх, нөлөөллийн ажлуудыг хамтарсан багаас зохион байгуулж хэвшлээ.
Үүний зэрэгцээ хүүхэд хамгааллын тогтолцооны тогтовортой байдлыг хангах чиглэлээр үндэсний түвшинд тодорхой бодлого шийдвэрүүд гарсан бөгөөд байгууллага, салбар хоорондын болон босоо хамтын ажиллагааг бэхжүүлж, хамтарсан багийн хүүхэд хамгааллын үйлчилгээний чанарыг ахиулж, тогтвортой байдлыг хангахад зохих хувь нэмрийг оруулан ажилласан байна.
Д.Бат-Эрдэнэ
