"Эрчим хүчний салбарын ажилтнуудын аюулгүй ажиллагааг Ерөнхий сайд Л.Оюун-Эрдэнэ хариуцах ёстой" сэдвээр мэдээлж байна. Энэ үеэр Эрчим хүчний салбарын үйлдвэрчний холбооны дарга Д.Долгор мэдээлэл өглөө.

Тэрбээр “2019 оноос хойш Эрчим хүчний салбарын үнэ тариф өөрчлөгдөөгүй. Засгийн газраас коронавирустай тэмцэх цар тахлын нөлөөллийг бууруулах хуулийн хүрээнд эрчим хүчний үнэ тарифыг хатуу барьж байгаа.

Эрчим хүчний салбарын байгууллагууд өөрийн үйлдвэрлэсэн өртгөөсөө 5-59 хувиар доогуур цахилгаан дулаан, эрчим хүч борлуулж байгаа. Тиймээс манай салбарт эдийн засгийн хүндрэл үүсэж байна.

Тухайлбал, 2019 онд 59 тэрбум, 2020 онп 92 тэрбум, 2021 онд 78 тэрбум, 2022 оны хүлээгдэж буй гүйцэтгэл дээр 109,2 тэрбум төгрөгийн алдагдал хүлээхээр байна. Эрчим хүчний салбарт хөрөнгийн эх үүсвэр дутагдалтайгаас шаардлагатай засвар үйлчилгээний ажлаа цаг тухай үед нь хийж чадахгүй байна. Мөн сүүлийн үеийн тоног төхөөрөмж нэвтрүүлэх боломжгүй байна.

Хуулиар олгогдсон ажил олгогчийн болон, ажилтны эрх үүрэг хэрэгжихгүй байх нөхцөл бүрдэж байна. Ажлын нийгмийн асуудал, цалин хөлсний асуудал хөндөгдөж байна. Алдагдалтай байлгах үнэ тариф баталж байна.

Тиймээс тавдугаар сарын 18-ны өдөр Ерөнхий сайдад албан бичиг хүргүүлсэн. Гэтэл одоо хүртэл хариу алга. Засвар үйлчилгээ хийж чадаагүйн улмаас эрдэнэт хүний амь эрсэдвэл Ерөнхий сайд хариуцлага хүлээх ёстой хэмээн Эрчим хүчний салбарынхан үзэж байна” гэв.

Д.Батчулуун