-
2016 оны 8 сарын 07
”Рио-2016” эхлээд хоёр хонож байна. Өнөөдөр боксын хэсгийн барилдаанууд монголын цагаар 23.00 цагаас эхэлнэ. Тодруулбал, 60 кг жинд Д.Отгондалай 23.00-23.45 цагийн хооронд тулалдах бол 69 кг жинд Б.Түвшинбат 23.45 цагаас 08-ны 00.45 цагийн хооронд тулалдах аж.
-
2016 оны 8 сарын 07
Хүндийг өргөлтийн 56 кг-ын жинд өрсөлдөх байсан ОХУ-ын тамирчин допингийн зөрчлийн улмаас хасагдсан тул манай тамирчин Ө.Чагнаадоржид Риог зорих эрх шилжсэнийг өчигдөр албан ёсоор мэдэгджээ.
-
2016 оны 8 сарын 07
“Монгол модель” агентлагийн загвар өмсөгч Б.Гүнзаяа Хятад улсын Засгийн газраас зохион байгуулагддаг “Miss Leisure World 2016” тэмцээнд амжилттай оролцож, “Miss exotic” буюу хамгийн чамин мисс шагнал хүртжээ. Тус тэмцээнд нийт 40 орны гоо бүсгүйчүүд өрсөлдсөн байна.
Мөн дэлхийн хамгийн том “Fashion One” загварын агентлагт Монголын мисс Б.Баттогтох продюсер, хөтлөгчөөр ажиллах гэрээ хийжээ.
-
2016 оны 8 сарын 07
Рио: Олимпийн эхний өдөр
-
2016 оны 8 сарын 07
Жүдо бөхийн хэсгийн барилдаанууд өнөөдөр монголын цагаар 22.00 цагаас эхэлнэ. Манай тамирчдаас эмэгтэй 52 кг-ийн жинд А.Цолмон, эрэгтэй 66 кг-ийн жинд Д.Төмөрхүлэг нар барилдах юм.
Хэрвээ тэд финалд үлдэж чадвал 08-ний өдрийн шөний 03.00 цагаас буюу тэр шөнөдөө шигшээд өрсөлдөнө.
-
2016 оны 8 сарын 07
Зуны олимпийн 31-р наадмын медалийн эзэд тодорсоор байна. Дөнгөж саяхан болсон жүдо бөхийн эмэгтэйчүүдийн 48 кг-н алтан медалийн эзнээр Аргентин улсын алдарт тамирчин Пауло Парето хүртсэн бол мөнгөн медалыг БНСУ-ын тамирчин Жон Бок Ён хүртсэн юм.
Харин хүрэл медалын эзнээр Казакстан улсын нэрийн өмнөөс олимпийн наадамд оролцсон монгол тамирчин Г.Отгонцэцэг, Японы алдарт тамирчин Кондо Ами нар хүртлээ.
Харин эрэгтэйчүүдийн 60 кг-н жинд алтан медалыг ОХУ, мөнгөн медалийг Казакстан, хүрэл медалийг Узбекстан, Японы жүдочид тус тус хүртлээ.
Эх сурвалж: MNB
-
2016 оны 8 сарын 07
Бразилын Рио-де-Жанейро хотноо эхэлсэн Зуны олимпийн 31-р наадмын Эмэгтэйчүүдийн 10 метрийн хийн гар бууны дасгалд манай шилдэг тамирчин О.Гүндэгмаа, Ц.Мөнхзул нар оролцоно. Монголын цагаар 21.00 цагаас эхлэх бөгөөд хэрвээ шигшээд шалгарч чадвал оройны 23.00 цагаас финалд өрсөлдөх аж.
-
2016 оны 8 сарын 07
08 дугаар сарын 07-ны өдөр, Ням гараг
08:00-20:00 Аялал жуулчлалын үзэсгэлэн Хүй долоон худагт
08:00-08:30 Бурхан багшийн Ринсрэл залах ёслол /тусгай хөтөлбөрөөр/ Хүй долоон худагт, цамын талбайд
08:30-09:00 Өндөр гэгээний маани татах /тусгай хөтөлбөрөөр/ Хүй долоон худагт, цамын талбайд
09:00-15:00 Хүрээ Цам харайх ёслол /тусгай хөтөлбөрөөр/ Хүй долоон худагт, цамын талбайд
09:00-12:00 Их насны морьдын уралдаан Хүй долоон худагт
10:00-13:00 Жороо морины уралдаан Хүй долоон худагт
12:00- 14:00 Үндэсний сурын харвааны адаг өрөг Хүй долоон худагт, Сурын талбайд
15:00-16:00 Хүчит бөхийн барилдаан тавын даваа Хүй долоон худагт, бөхийн талбайд
16:20-17:00 Хүчит бөхийн барилдаан Зургаагийн даваа Хүй долоон худагт, бөхийн талбайд
17:00-17:20 Үндэсний сурын харваанд түрүүлсэн харваачдад шагнал гардуулна. Хүй долоон худагт, Сурын талбайд
17:20-18:00 Хүчит бөхийн барилдааны Долоогийн даваа Хүй долоон худагт, бөхийн талбайд
18:00-19:00 Түрүүлж, айрагдсан морьдын цол дуудаж, шагнал гардуулна. Хурдан морь унаач хүүхдүүдэд бэлэг гардуулна. Хүй долоон худагт
19:00-19:30 Хүчит бөхийн барилдааны Наймын даваа Хүй долоон худагт, бөхийн талбайд
19:30-20:00 Үндэсний бөхийн барилдаанд түрүүлж, үзүүрлэн шөвгөрсөн бөхчүүдэд Даншигийн арслан, заан, начин цол үнэмлэх олгож, шагнал гардуулна. Хүй долоон худагт, цамын талбайд
20:00-20:10 “Даншиг наадам- Хүрээ цам”-ын хаалтын ажиллагаа Хүй долоон худагт, цамын талбайд
20:10-21:00 Залбирал ерөөл айлдах /тусгай хөтөлбөрөөр/ Хүй долоон худагт, цамын талбайд
-
2016 оны 8 сарын 07
Эрэгтэйчүүдийн 60 кг-ийн жинд зодоглосон ОУХМ Ц.Цогтбаатар Рио наадмын хамгийн эхний жүдогийн барилдааныг хийсэн. Тэрээр эхний өрсөлдөгч, Пан Америкийн нээлттэй тэмцээний мөнгөн медальт Гветемалын тамирчин Хорхе Рамосыг, дараагийн өрсөлдөгч Финляндын бөх Юхо Рэйнваллыг тус тус цэвэр ялж, 3-р тойрогт үлдсэн юм. Ялбал хэсгийн аваргын төлөө тунаж үлдэн, цаашлаад медалийн төлөө барилдах эрхтэй болох чухал барилдаанаа ДАШТ-ий хүрэл медальт, дэлхийн чансааг тэргүүлэгч БНСУ-ын Ким Вон-Жинтэй хийж, ялагдлаа. Тэрбээр юүко үнэлгээгээр тэргүүлж явсан ч вазари алдан ялагдал хүлээв. Энэ жил 20 настай Ц.Цогтбаатар анхны олимпдоо оролцон, шөвгийн 16-д үлдсэн амжилттай тэмцээнээ өндөрлүүллээ.
-
2016 оны 8 сарын 06
Бразилын нийслэл Рио-де Жанейро хотноо болох “Рио-2016” зуны олимпийн наадмын нээлт өнөөдөр өглөөний 08:00 цагт албан ёсоор эхэлсэн. Зуны олимпийн наадамд манай улсаас 49 тамирчин спортын 10 төрөлд өрсөлдөх юм. Тэгвэл Монголын баг тамирчдын тэмцээний хуваарийг Улаанбаатарын цагаар танилцуулж байна.
-
2016 оны 8 сарын 05
“УУЛ УСНЫ ДОМОГ” ТОГЛОЛТЫН ХӨТӨЛБӨР
Хэзээ: 2016.08.06. 21:00
Хаана: Их эзэн Чингис хааны нэрэмжит талбай
Эхлэл фанфар /Цогт тайж киноны хөгжмөөс/
Монгол ардын уртын дуу “УЯХАН ЗАМБУУ ТИВИЙН НАРАН” УБ чуулгын уртын дуучин МУГЖ Г.Хонгорзул, МУСТА Б.Батболд.
Р.Бат-Эрдэнийн хөгжим “АЙСУЙ ХҮЛГИЙН ТӨВӨРГӨӨН” Улаанбаатар чуулгын “Хангарьд” үндэсний хөгжмийн найрал. Удирдаач: МУСТА Р.ГАнбат.
“ДАРЬ ЭХ” Удирдсан багш: Норовсамбуу, туслах багш: Л.Энхцэцэг, Дэлгэрцэцэг, Батцэцэг, Сэлэнгэ.
“ДАРЬ ЭХ” бүжиг /Д.Энхгэрэлийн дэглэлт/ УБЧ-ын бүжигчид.
“ЧОНО” “Их Монгол” хамтлаг.
“УС” Удирдсан багш: Норовсамбуу, туслах багш: Л.Энхцэцэг, Алтанхундага, Дэлгэрцэцэг, Сэлэнгэ.
Тэмүүлэн “ГЭГЭЭ” УБЧ-ын гоцлол хөгжимчин МУСТА Н.Отгончимэг.
“ТӨМӨР ХУУРЫН АЯЛГУУ” УБЧ-ын дуучин Д.Шижирмаа. /бүжигтэй/
Ж.Мэнд-Амар, М.Бадам “ЖАВХЛАНТ СҮРЭГ” Гоцлол хөгжимчин МУСТА Х.Бархүү, Б.Мягмарцэрэн, УБЧ-ын “Хангарьд” үндэсний хөгжмийн найрал. Удирдаач МУСТА Р.Ганбат.
Д.Энхгэрэлийн дэглэлт “УЯЛДАХ УЧИР” УБЧ-ын бүжигчид, бит бокс Рэй.
“МОГОЙ” Удирдсан багш: Энхцэцэг, Батцэцэг, Наранцэцэг, туслах багш: Түмэнжаргал, Л.Энхцэцэг, Алтанхундага, Буд, Дэлгэрцэцэг, Сэлэнгэ.
“АЛТАЙН МАГТААЛ” УБЧ-ын “Их Монгол” хамтлаг
О.Чинбатын найруулга Дархад ардын дуу “ҮДЭЛТ” УБЧ-ын уртын дуучин О.Анхчимэг.
“ЦЭЦЭГС” найруулга тавилт: Б.Энхчимэг, Отгонцэцэг, Энхцэцэг, туслах багш: Эрдэнэцэцэг, Янжмаа, Чулуунцэцэг, Номин.
О.Чинбат “ЦААТАН” гоцлол хөгжимчин МУСТА О.Чинбат, цохивор хөгжимчин Ганхөлөг, DJ Тулгаа.
Д.Энхгэрэлийн дэглэлт “БӨРТЭ ЧОНО” УБЧ-ын бүжигчид, этник Зоригоо.
“ТӨГСГӨЛ” 420 нугараач
-
2016 оны 8 сарын 05
Бразилын нийслэл Рио-де Жанейро хотноо болох “Рио-2016” зуны олимпийн наадмын нээлт маргааш буюу 8-р сарын 6-ны өдрийн өглөөний 08:00 цагт эхэлнэ.
-
2016 оны 8 сарын 05
Бразилын Рио-де-Жанейро хотноо эхэлж буй Зуны олимпийн 31-р наадмын боксын 49 кг-д өрсөлдөх Монгол улсын тамирчин, ОУХМ Г.Ган-Эрдэнэ, 60 кг-д өрсөлдөх ОУХМ Д.Отгондалай нар эхний тойрогтоо хийлэн, шигшээ 16-д үлджээ.
-
2016 оны 8 сарын 05
Монголын Спортын Сэтгүүлчдийн холбооноос ”РИО 2016” олимпийн наадамд зориулан ном гаргажээ. Уг номонд олимпийн наадамд оролцож буй Монголын бүх тамирчид, дасгалжуулагчид, албаны хүмүүсийн танилцуулга, намтар болон бусад сонирхолтой мэдээллүүд багтжээ.
-
2016 оны 8 сарын 05
Жүдо бөхийн эрэгтэйчүүдийн -100 кг-ийн жинд хүч үзэх олимпийн алт, мөнгөн медальт Н.Түвшинбаяр А хэсэгт барилдахаар болжээ.
-
2016 оны 8 сарын 05
Хүн төрөлхтний эв нэгдлийн бэлэгдэл болсон зуны XXXI олимпийн наадмыг зохион байгуулж буй Бразил нутгийн соёл, зан заншил, шашин шүтлэг, байгалийн өвөрмөц тогтолцоо, уугуул Туюука омог болон шилжин суурьшсан ард түмний амьдралыг харуулсан нэгэн сонирхолтой гэрэл зургийн үзэсгэлэнг нийслэлийн Засаг даргын ивээл дор зохион байгуулах гэж байна.
Залуу уран бүтээлч Б.Намууны авсан 1500 орчим гэрэл зургаас 50-ийг нь сонгон, Бразилийн өвөрмөц соёлыг илтгэх инстолляцын бүтээлүүдтэй хамт дэлгэн үзүүлж байгаагаараа онцлог юм Энэхүү үзэсгэлэнг удахгүй Холбооны Бүгд Найрамдах Бразил Улсын Рио де Жанейро хотод болох зуны олимпийн их наадамд зориулан гаргаж байгаа юм байна.
Үзэсгэлэн Г.Занабазарын нэрэмжит Дүрслэх урлагийн музейн үзэсгэлэнгийн танхимд 2016.08.05-21-ны хооронд болно гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 8 сарын 05
Их хотын залуус аа та бүхэн энэ зуны хамгийн том задгай партиндаа явахад бэлдэж байна уу? Та бүхний хүсэн хүлээсэн ”SUNRISE FESTIVAL” болоход ердөө ганцхан хоног үлджээ.
Өнөөдөр SPECIAL TAX-ны хямдралтай үнээр борлуулах хамгийн сүүлчийн өдөр бөгөөд Prolive Entertainment-н салбарууд, мөн www.ticket.mn, 1900 1800 төлбөртэй хүргэлт шөнө 23:30 гэхэд зогсох юм байна шүү.
”Sunrise Festival”-н Special таксны зарагдсан тоогоор Монголын Үндэсний олон нийтийн телевизээр явуулж буй ”Сэтгэлийн Үндэс” цэцэрлэг барих төсөлд тоосго бэлэглэх юм. Ингээд зуны хамгийн саак партиндаа оролцож мөн сайн үйлсэд нэгдэх боломжийг бүү алдаарай залуус аа.
Дэлгэрэнгүй мэдээллийг 99707387 дугаарын утаснаас аваарай.
-
2016 оны 8 сарын 05
Дэлхийн 17 хотод гарч, 3 олон улсын кино наадмын шагнал хүртсэн, АНУ-ын найруулагч Лорен Нэппийн “LIVE from UB” буюу “Улаанбаатараас шууд дамжуулж байна” баримтат кино нь 8-р сарын 6-ны өдөр Тэнгис кино театрт 18.00 цагт Монгол дахь нээлтээ хийнэ. Энэхүү киноны нээлт нь АНУ-ын ЭСЯ-ны дэмжлэгтэйгээр үнэ төлбөргүй үзүүлж байгаа ба суудлын тоо хязгаартай, түрүүлж ирсэн дарааллаар оролцоно. Тэнгис кино театрт нэг өдөр гарах боловч, үүний дараагаар СУИС, Хөгжим бүжгийн коллеж зэрэг газруудын фондод бэлэглэж, цаашид энэ киног үзэх боломжтой болгох юм.
Киноны нээлтийн дараа долоо хоногт “Монгол рок н ролл” нэртэй хэлэлцүүлэг 8-р сарын 12-ны 19.00 цагаас Гэгээнтэн Энтертайнмент төвийн CUE+ кафед болно. Хэлэлцүүлэгт Моханик хамтлаг, HiFi Records, Нисванис, The Colors хамтлагийн уран бүтээлч, продюсерүүд энэхүү кинонд оролцсон тухайгаа, Монголын рок-н-ролл хөгжмийн урсгал дэлхийд цаашаа хэрхэн хөгжих боломжтой талаар хэлэлцүүлэг өрнүүлнэ. Мөн хөгжмийн салбарын нөлөө бүхий уран бүтээлч, продюсерууд оролцох ба Моханик хамтлаг концерт тоглох юм байна.
-
2016 оны 8 сарын 05
“Даншиг наадам-Хүрээ цам” шашин, соёлын наадам өнөөдөр албан ёсоор эхэллээ.
-
2016 оны 8 сарын 05
”Рио-2016” олимпийн наадам өнөөдөр эхэлж байгаа билээ. Тэгвэл жүдо бөхийн эрэгтэйчүүдийн 60, эмэгтэйчүүдийн 48 кг-ын жингийн барилдаан 06-нд эхэлнэ. 60 кг-ын жинд манай улсын тамирчин Ц.Цогтбаатар эхний тойрогт Гватемалагийн бөх Рамос Жосетэй учираа таарчээ.
Харин Монгол Улсын гавьяат тамирчин М.Уранцэцэг эхний тойрогтоо гоц мөргөж дараагийн тойрогт БНСУ-ын тамирчин Jeong Bokyeong-той хүч үзэхээр боллоо.
