-
2017 оны 2 сарын 13
АНУ-ын Лос Анжелес хотноо 59 дэх удаагийн Грэммигийн шагнал гардуулах ёслол зохион байгуулагдлаа. Тус арга хэмжээнд олон шилдэг Нэрт дуучид оролцож байна. Ингээд ”Latin Grammy Award”-ын улаан хивсний ёслолын зургуудаас хүргэж байна.
-
2017 оны 2 сарын 12
Умард Солонгос орон нутгийн цагаар өнөө өглөөний 07:55 цагт Умард Пёнган аймгаасаа баллистик пуужин харвалаа гэж Өмнөд Солонгосын арми мэдэгдлээ. Пуужин 500 км зам туулаад Япон тэнгист унажээ.
-
2017 оны 2 сарын 10
Шинэ Зеландын далайн эрэгт 400 гаруй халим шидэгдэн гарчээ.
-
2017 оны 2 сарын 09
Дэлхийн хамгийн тарган хүүхэд жингээ хаяна
Индонезид амьдардаг Ариа Пермана хэмээх 10 настай бяцхан хүү 192кг жинтэй бөгөөд энэ байдал нь түүний амь насанд аюул учруулах хүртэл хүнд шалгаан болоод байгаа гэнэ. Дэлхийн хамгийн тарган хүүхэд болсон тэрбээр одоо байгаа жингээсээ хасаж зөвхөн бор будаа идэж хоолны дэглэм барихаар шийджээ. Энэ байдлаараа удаан байвал эрүүл мэнд болоод нийгэмд оршин тогтноход нь хүртэл аюултай хэмээн эмч нар үзээд байгаа аж.
Дэлхийн хамгийн тарган хүүхэд жингээ хаяна
-
2017 оны 2 сарын 08
АНУ-ын Ерөнхийлөгч асан Барак Обама өнгөрсөн сарын 20-нд албан үүргээ Доналд Трампт шилжүүлсэн билээ. Тэрбээр албан тушаалаа шилжүүлснийхээ дараа улс төрөөс бүрмөсөн хөндийрнө гэж Америкийн хэвлэлүүдэд мэдээлж байсан.
Тэгвэл саяхан дотны найз тэрбумтан Ричард Брэнсоны хувийн арал дээр очиж цөөнгүй хоногийг өнгөрөөжээ. Барак Обамагийн kite surfing гулгаж буй зургийг Reuters агентлаг онцолсон байна.
-
2017 оны 2 сарын 06
“Энэ оны хоёрдугаар сарын 16-17-ны өдрүүдэд Керманшах хотод болох чөлөөт бөхийн эрэгтэй багуудын Дэлхийн Цомын төлөө тэмцээнд АНУ-ын багийг Иран улсын нутаг дэвсгэрт нэвтрүүлэхийг хориглох тухай шийдвэрийг гаргалаа.” гэж тус улсын Гадаад хэргийн яамны төлөөлөгч Бахрам Газеми өнгөрсөн баасан гаригт мэдэгджээ.
Тусгай комиссийн хуралдаанаас гаргасан дээрх шийдвэрийг тайлбарлаж “АНУ-ын Ерөнхийлөгч Д.Трампаас лалын шашинт 7 улсын түүний дотор Ираны улсын иргэдийг АНУ-ын хилээр нэвтрүүлэхийг хязгаарлах тухай зарлиг гаргасантай холбогдуулан манай улсаас авсан хариу арга хэмжээний хүрээнд ийм шийдвэрт хүрсэн.” гэжээ.
Иран улсын Гадаад хэргийг яамнаас гаргасан шийдвэртэй хобогдуулан ДБНХ-ны Ерөнхийлөгч Н.Лалович мэдэгдэл хийхдээ “Бид Иран улсын Гадаад хэргийн яамнаас өөр шийдвэр гаргах байх гэж хүлээж байлаа. Гэхдээ тухайн хоёр орны хоорондын харилцаанд бий болсон бүх асуудлыг харгалзан үзэж цогцоор нь авч үзэхийг бид хичээж байна. нэгэнт бий болсон байдлаас аль болох түргэн гарах чиглэлд бид өнөөдөр ажиллаж байна.” гэжээ.
Энэ удаагийн Дэлхийн Цомын төлөө тэмцээнд Азербайжан, АНУ, Гүрж, Иран, Монгол, ОХУ, Турк, Энэтхэг улсын багууд оролцохоор бэлтгэж байна.
-
2017 оны 2 сарын 05
Мөөгөөр кофе хийжээ
-
2017 оны 2 сарын 05
Сонирхолтой нь энэ жагсаалтын эхний байруудад хамгийн царай муутай хүнтэй төстэй төрхтэй амьтад бичигджээ. Энэ санал асуулга нь хүний анхаарлаас гадна байдаг царай муутай амьтдыг олон нийтийн анхааралд оруулах, хүмүүст танин мэдүүлж, хамгаалах зорилготой юм байна.
-
2017 оны 2 сарын 04
Польш улс
-
2017 оны 2 сарын 03
2-нд Хятадаас НҮБ-д суугаа суурин төлөөлөгч Лю Же-И: Украйны мөргөлдөгч талууд гал зогсоох механизмыг чанд сахиж, улс төрийн аргаар зохицуулах чухал талыг баримтлахыг Хятадын тал уриалж байна гэжээ.
Мөн өдөр Аюулгүйн зөвлөл Украйны асуудлаар нээлттэй хурал хийжээ. Лю Же-И: Украйны зүүн бүс нутгийн байдлыг Хятадын тал анхааралдаа авсаар ирсэн. Сүүлийн үед тус бүс нутагт буудалцаан байнга гарч, эгэл ардыг шархдуулан хөнөөж байгаад сэтгэл түгшиж байна гэжээ.
Тэрээр: Мөргөлдөгч талууд Украйны асуудлыг үндсээр нь, урт хугацаагаар зохицуулахыг Хятадын тал уриалж байна. Ингэхдээ Украйны дотоодын олон газар, олон үндэстний зүй ёсны эрх ашиг, шаардлагыг бүрэн харгалзан үзэх хэрэгтэй бөгөөд холбогдох талуудын зүй ёсны анхаарал тавьж байгаа асуудлыг харгалзан үзэж, талуудын эрх ашиг тэнцвэртэй байхыг баталгаажуулах хэрэгтэй гэжээ.
Холбогдох талууд Аюулгүйн зөвлөлийн 2202 дугаар тоот тогтоолыг хэрэгжүүлж, гал зогсоож, хүчирхийллийн ажиллагааг таслан, Минскийн хэлэлцээрийг хэрэгжүүлж, яриа хэлцлээр зөвшилцөхийг баримталж, Украйны асуудлыг тал бүрээр, өнө удаан, тэнцвэртэй зохицуулах төсөл олж, Украйны энх тайван, тогтвортой байдал, хөгжлийг ахиулж, Украйны олон үндэстний эв зохицонгуй байдал, Украйн болон уг бүс нутгийн орнуудын энх тайвнаар зэргэцэн оршиход тус дөхөм үзүүлэх ёстой гэжээ. \Гэрэлт орчуулав\
-
2017 оны 2 сарын 02
Пак Гын Хэ ”Соёлын салбарын хар жагсаалт” гаргахад оролцсон байж магадгүй
-
2017 оны 2 сарын 01
Дани улсын Засгийн газар нь дэлхийн улс орнуудын дундаас анх удаа ”Цахим сайд”-тай болохоор болжээ.
Энэ тухай тус улсын Гадаад явдлын яамны сайд Андерс Самуэлсон хэлсэн ба тэрээр хэлсэн үгэндээ ”Орчин үед интернэт ертөнцөд үйл ажиллагаа явуулдаг компаниуд нь улс орныхоо эдийн засагт дэмжлэг үзүүлж чадахуйц хэмжээний томоохон цахим салбарыг үүсгэсэн.
Тухайлбал үүнд GOOGLE, MICROSOFT, АPPLE зэрэг компаниудыг дурдаж болно. Эдгээр компаниудын жилийн орлого нь зарим нэгэн улс орны жилийн орлогоос илүү байгаа. Тиймээс бид энэхүү салбарыг чухал салбарын нэг хэмээн тооцож, уг салбарыг хариуцан ажиллах ”Цахим сайд”-ын албан тушаалыг бий болгох болно” гэж хэлсэн байна.
Сайд Андерс Самуэлсон цахим сайдын албан тушаалд хэнийг томилж, ямар үүрэг гүйцэтгэхийг танилцуулаагүй ажээ.
Дани улсын Засгийн газар дэлхийд тэргүүлж байгаа IT компаниудтай хамтран ажиллах хүчин чармайлт тавьсаар ирсэн бөгөөд үүний үр дүнд Facebook болон Apple компаниуд тус улсад өөрийн компанийн Дата төв-ийг байгуулах болсон юм байна.
-
2017 оны 1 сарын 31
“Лонхонд багтддаг” гэгдэх Монголын уран нугараач бүсгүй Их Британид тоглолтоо хийж байгаа тухай Daily Record мэдээлэв.
22 настай уран нугараач Одко-гийн үзүүлбэр хоёр хэсгээс бүрджээ. Эхлээд бүсгүй уян хатан байдлаа харуулж, гурав нугаран, нарийн хүзүүтэй том шилэн саванд оржээ. Мэдээж тус савнаас төвөггүй эргэн гарч ирсэн байна. Дараа нь гар дээрээ тогтож байгаад, хөлөөрөө нум сум харваж үзүүлжээ. Байгаа алдаагүй нь Британийн үзэгчдийн гайхшралыг төрүүлжээ.
-
2017 оны 1 сарын 31
Нигерийн Лалын номлогч Альхажи Мохаммед Абубака Белло Масаба 93 насандаа таалал төгсчээ. Тэрээр дэлхийн хамгийн олон эхнэртэй нэгэн байсан юм. Таалал төгсөхдөө 130 эхнэр, 203 хүүхэдтэй байжээ. Энэ тухай Nigeria’s Daily Trust мэдээлэв.
Лалын номлогч Масаба олон эхнэртэй байхад тус бүртэй нь хамт шөнийг өнгөрүүлэх хэцүү байдаг гэж нэгэн хэвлэлд ярилцлага өгөхдөө дурьджээ. Гэхдээ энэ бүхэнд Аллах бурхан түүнд тусалж, хайр ивээлээ хайрладаг гэсэн байна.
Масабагийн гэр бүлийг харах өнцгийг тийм ч олон хүн дэмждэггүй байсан гэнэ.
Масаба 84 насандаа 86 эхнэр, 170 хүүхэдтэй байжээ.
Лалын шүүх Коран судрын дагуу 4 эхнэртэй байхыг ч шаардан, шаардлагыг биелүүлэхгүй бол цаазын ял оногдуулна ч гэсэн байна.
Коран сударт 4 болон түүнээс олон эхнэртэй байсны төлөө ямар нэгэн хариуцлага тооцно гэсэн зүйл заалт байхгүй гэж Масаба өөрийгөө өмгөөлж байжээ.
-
2017 оны 1 сарын 30
Шинийн нэгэнд бүх Хятадад давхацсан тоогоор 65.2 сая хүн аялав
-
2017 оны 1 сарын 30
Гоо бүсгүй шалгаруулах олон улсын тэмцээн уралдаануудаас Ертөнцийн гоо бүсгүй буюу Miss Universe чансаагаараа эхний 3-т ордог юм. Энэ жилийн “Miss universe-2017”-ын эцсийн шат Филиппин улсын нийслэл Манила хотноо болж өнгөрлөө.
“Miss universe-2017”-ын титмийн эзнээр Францын гоо бүсгүй Ирис Миттенар шалгарчээ. Тэрээр 1993 онд төрсөн бөгөөд 2015 оны Францын гоо бүсгүйгээр шалгарч байсан аж. Ирис Миттенар “Miss universe” титмийн эзэн болсон хоёр дахь Франц бүсгүй бөгөөд 1990 оноос хойш тус тэмцээнд түрүүлж буй анхны Европ эмэгтэй боллоо.
Харин тэмцээний хоёрдугаар байрт Гайти улсын гоо бүсгүй Ракцэл Плиссер, гуравдугаар байрт Колумбын Андриа Товар нар тус тус шалгарчээ.
-
2017 оны 1 сарын 30
Америкийн Телевиз болон Радионы шилдэг жүжигчдийг шалгаруулдаг ”SAG Award” буюу ”Screen Guild Award 2014” наадам АНУ-ын Лос-Анжелес хотноо амжилттай болж өнгөрлөө. Энэхүү шагнал гардуулах ёслол 1995 оноос хойш Холливудад зохиогдож байгаа бөгөөд энэ удаад SAG шагнал гардуулах улаан хивсний ёслол дээр алдартнууд хэрхэн хувцасласныг сохирхоцгоое.
-
2017 оны 1 сарын 29
Өндрөөсөө болж шийтгүүлэх нь
-
2017 оны 1 сарын 29
Япончууд дорны уламжлалаар цагаан сар тэмдэглэдэг боловч баярын өдрийг билгийн тооллоор тогтоодоггүйгээрээ Азийн бусад орноос ялгаатай. 1873 оноос хойш Японд сарны тооллоор Цагаан сар тэмдэглэх заншлыг халжээ.
-
2017 оны 1 сарын 28
Үерийн улмаас хүмүүсийг нүүлгэн шилжүүллээ
Малайз улсад хэдэн өдөр дараалан бороо орсны улмаас хүчтэй үер буусан учир 10 мянга гаруй хүнийг нүүлгэн шилжүүллээ. Тодруулбал, тус улсын зүүн болон зүүн хойд нутгийн байдал хүнд байгаатай холбогдуулан эхлээд 2000 орчим, дараа нь 8.2 мянга гаруй f хүнийг нүүлгэж, байгалийн гамшгаас дүрвэгсдэд зориулан байгуулсан хэдэн арван төвд тараан байрлуулжээ. Үүний саиуу үерт олон зам боогдсон учраас аврагчид хэд хэдэн сууринд хүрч чадаагүй байна. Үерт Селангор, Перак, Малакка, Сабах, Саравак, Паханг болон Негри-Сембилан муж автжээ.
