-
2016 оны 5 сарын 23
Йордан улсад суух Иракийн онц бөгөөд бүрэн эрхт элчин сайд Сафиа Аль Сухайл хоёр улсын хаагдаад байсан хил хоёр долоо хоногийн дараа эргэн нээгдэнэ хэмээн мэдэгдсэн байна. 11 сарын турш хаагдсан хил эргэн нээгдсэнээр хоёр талын худалдаа сэргэж эхлэхээс гадна мөн Йордан руу гарсан Иракийн дүрвэгсэд эх орондоо буцаж ирэх боломжтой болж байгаа юм. Тухайн хилээр орж, гарч байсан ачааны автомашинуудаас Исламын Улс бүлэглэлийн зүгээс дур мэдэн татвар авч байсан явдлыг таслан зогсоохын тулд 2015 оны 7 дугаар сард хилийг Иракийн зүгээс хаасан юм. Хил хаасан явдал нь Йорданы эдийн засагт багагүй хэмжээний цохилт өгч, 2015 онд Ирак руу гаргасан экспортын хэмжээ 2014 оныхтой харьцуулахад 470 сая ам.доллараар буурсан байна.
-
2016 оны 5 сарын 23
EgyptAir компаний 804 дүгээр нислэгийг үйлдэж байгаад Газар дундын тэнгист осолдсон онгоцноос олдсон зарим эд зүйлсийг Египетийн зэвсэгт хүчний зүгээс бямба гаригт танилцуулсан байна. Парисаас Кайр хүрэх замдаа осолдсон уг онгоцонд зорчигч болон багийнхан гээд нийт 66 хүн байсан бөгөөд бүгд амь үрэгдсэн хэмээн үзэж байгаа юм. Эрлийн багийнхны хийсэн онгоцны ослын үлдэгдлийн дүрс бичлэгт онгоцны эвдэрхий суудал, аврах хантааз, онгоцны багийнхны хувцасны урагдсан тасархай гэх мэт зүйлсийг танилцуулсан байна. Египетийн зэвсэгт хүчнийхний мэдэгдсэнээр осолдсон онгоцны үлдэгдлийг Газар дундын тэнгисийн зүүн хэсгээс буюу Александриа хотоос хойд зүгт 290 км-ийн зайд орших далайн уснаас олсон байна.
-
2016 оны 5 сарын 22
81 хүн аянганд цохиулжээ
-
2016 оны 5 сарын 21
Дэлхийн эрүүл Мэндийн байгууллага (ДЭМБ) Зика вирус ойрын хэдэн сард Европт тархаж магадгүй хэмээн сануулсан байна.
-
2016 оны 5 сарын 21
БНХАУ-ын буддын сүмийн лам, Бээжингийн Технологийн их сургуулийн мэргэжилтнүүдтэй хамтран робот лам бүтэзжээ.
-
2016 оны 5 сарын 21
“Нокиа” компанийг БНХАУ-ын цахилгаан бараа үйлдвэрлэгч “Fox- conn” худалдаж авахаар болжээ.
-
2016 оны 5 сарын 21
Өмнөд Солонгосын автомашин үйлдвэрлэлийн салбарын тэргүүлэх компани болох Хьюндай Мотор тансаг зэрэглэлийн “Genesis” брэндийн цуврал болох ”G80” загварын машинаа лхагва гарагт танилцууллаа.
-
2016 оны 5 сарын 20
АНУ-ын Вашингтон хотноо лхагва гаригт тус улсын Зэвсэгт Хүчний Төрийн Нарийн Бичгийн Даргын үүрэгт албанд томилогдсон Эрик Фаннингийн тангараг өргөх ёслол болж өнгөрлөө. Эрик Фаннинг нь ижил хүйстнээ сонирхогч гэдгээ олон нийтэд нээлттэй мэдэгдсэн, АНУ-ын Зэвсэгт хүчний удирдах албанд томилогдсон анхны цэргийн зүтгэлтэн болж байна. Түүний тангараг өргөх ёслол Батлан Хамгаалах Яамны байранд явагдсан бөгөөд АНУ-ын Батлан Хамгаалахын Төрийн Нарийн Бичгийн Дарга Эш Картер байлцсан байна. Эрик Фаннинг 2013-2015 оны хооронд АНУ-ын Агаарын хүчний нарийн бичгийн даргын орлогчийн үүргийг гүйцэтгэж байсан бөгөөд дараагаар нь хагас жилийн хугацаанд Агаарын хүчний нарийн бичгийн даргаар томилогдон ажиллаж байсан байна.
-
2016 оны 5 сарын 20
Лхагва гаригт Эквадор улсад хэдхэн цагийн зайтай хоёр хүчтэй газар хөдлөлт мэдрэгдсэн байна. Орон нутгийн цагаар лхагва гаригийн өглөө 6.7 магнитудын хүчтэй газар хөдлөлт мэдрэгдсэн бол үүнээс хэдхэн цагийн дараагаар 6.8 магнитудын хүчтэй дахин нэг газар хөдлөлт болсон байна. Газар хөдлөлтийн дараах хор хохирлын хэмжээг гүйцэд тодорхойлоогүй байгаа ч тус улсын далайн эргийн дагуух зарим хэсгээр цахилгаангүй болсон бөгөөд урьдчилан сэргийлэх үүднээс улсын хэмжээнд нийт сургуулиудыг хэсэг хугацаанд хаах шийдвэрийг гаргасан тадаар Эквадорын Ерөнхийлөгч Рафаэль Корреа твиттер хуудсаараа дамжуулан мэдээлсэн байна. АНУ-ын Геологийн судалгааны төвөөс хоёр дахь удаагийн газар хөдлөлт орон нутгийн цагаар лхагва гаригийн 11 цаг 46 минутанд явагдсан ба уг газар хөдлөлтийн төв цэг нь тус улсын баруун хойд хэсгийн Роса Зарате хотоос 24 км-т орших далайн эргийн ойролцоох газарт байсан талаар мэдэгдсэн байна.
-
2016 оны 5 сарын 20
Парисаас Кайр хүрэх Египетийн иргэний агаарын тээврийн EgyptAir компаний зорчигч тээврийн онгоц пүэв гаригийн үүрээр Газар дундын тэнгист осолдсон болохыг Египетийн албаныхан албан ёсоор мэдэгдээд байна. Онгоцонд зорчигч болон нислэгийн багийнхан гээд нийт 66 хүн байсны дотор 2 нялх хүүхэд байсан талаар мэдээлсэн байна. Уг онгоц орон нутгийн цагаар пүрэв гаригийн үүрийн 2 цаг 45 минутанд радараас алга болсон бөгөөд тухайн үед 11.2 км-ийн өндөрт нисч явсан байна. Египетийн иргэний агаарын тээврийн албанаас EgyptAir компаний 804 дүгээр нислэгийг үйлдэж байсан Эйрбус А320 загварын уг онгоц Египет улсын агаарын хилийг нэвтрэн орж ирээд 16 км замыг туулсны дараагаар буюу Газар дундын тэнгисийн боомт хот болох Александриа хотоос хойд зүгт 280 км-ийн зайнд радараас алга болсон гэжээ. Египетийн зэвсэгт хүчний албан хаагчид онгоц унасан байж болзошгүй бүсэд онгоцны үлдэгдэл болон амьд үлдэгсдийг эрж хайх, аврах ажиллагааг явуулж эхэлсэн байна. Онгоцны зорчигчдын ар гэрийнхэн Парис болон Кайр хотын нисэх онгоцны буудалд цугларан, ослын талаарх мэдээллийг хүлээсээр байна.
-
2016 оны 5 сарын 19
Итали болон Африкийн орнуудын гадаад хэргийн сайд нарын анхдугаар чуулга уулзалт Ром хотноо лхагва гаригт зохион байгуулагдлаа. Энэхүү уулзалтанд Африкийн 40 гаруй улс орны гадаад хэргийн сайд нар хүрэлцэн ирж орлцсон бөгөөд арга хэмжээний үеэр Ливийн нөхцөл байдал, хэт даврах үзэл болон цагаач, дүрвэгсдийн хямралын асуудлаар санал солилцож, хэлэлцсэн байна. Уулзалтын үеэр Африкийн Холбооны Зөвлөлийн Ерөнхийлөгч Мусса Факи Махамат Ливийн аюулгүй байдлыг бэхжүүлэхийн тулд их зүйл хийх хэрэгтэй байгааг онцолсон байна. Тэрээр Ливи улсад Исламын Улс бүлэглэлд элсэн орж байгаа хүний тоо улам нэмэгдсээр байгааг анхааруулсан байна. Дан ганц Ливи гэлтгүй Африкийн бусад улс орнуудад ч ИУ бүлэглэлд элсэгчдийн тоо нэмэгдэж байгаад анхаарлаа хандуулах хэрэгтэй байгаа талаар Африкийн Холбооны энх тайван, аюулгүй байдлын асуудал эрхэлсэн комиссар Смайл Черкүй онцоллоо. Харин Италийн Ерөнхийлөгч Сержио Маттарелла дүрвэгсдийн аюулгүй байдал болон амьдрах орчин нөхцөлд анхаарал тавих нь чухал байгааг уулзалтын үеэр хэлсэн байна.
-
2016 оны 5 сарын 19
ДЭМБ-ын Ерөнхий захирал Маргарет Чан Женев хотноо Зика вирусын талаар хамгийн сүүлийн үеийн мэдээллийг хийлээ. Тэрээр дэлхийн хэмжээнд өнөөдөр 59 улс оронд Зика вирусын халдварын тохиолдол илрээд байгаа гэсэн байна. Мөн тэрээр дэлхий ертөнц өнөөдөр эрүүл мэндийн ноцтой аюул тулгарах мөчид ”бэлтгэгдээгүй” байна хэмээн онцлон хэлсэн бөгөөд ирэх 8 дугаар сард явагдах гэж байгаа зуны Олимпийн наадмын үеэр Бразил улсыг зорих тамирчид, үзэгчид болон жуулчдын эрүүл мэндийн асуудалд анхаарал хандуулах хэрэгтэй байгааг дурьджээ.Хатагтай Чан ”Зика вирусын тохиолдол дэлхийн 59 улс оронд бүртгэгдээд байна. Дэлхийн хүн амын хөдөлгөөнд хориг тавина гэж байхгүй ээ. Хүмүүс аялах, жуулчлах, сурах болон ажил хэргийн гэх мэт олон шалтгаанаар өөр улс орнуудад аялдаг. Тэгэхээр халдварт өвчний аюул эрсдлээс урьдчилан сэргийлэх боломжит арга зам юу вэ гэсэн асуулт уган гарч ирнэ. Хамгийн үнэн зөв баримт, нотолгоо, мэдээллийг олж авах, гаргаж тавих асуудал үүний ганц хариулт юм. Тэдгээрийн үнэн зөв баримт, мэдээллийг хүн ард, олон нийттэй цаг алдалгүй хуваалцсанаар аюул, эрсдлийн хэмжээг багасгах сайн талтай юм. Өнөөдөр эрсдлийн үнэлгээ тооцоо болон эрсдлийн зохицуулалт хамгийн чухалд тооцогдож байна” гэжээ.
-
2016 оны 5 сарын 18
Ри Ён Хо Умард Солонгосын гадаад хэргийн сайдаар томилогдсон байна
-
2016 оны 5 сарын 18
Афганистаны гүйцэтгэх засаглалын тэргүүн Хятадад айлчилж байна
-
2016 оны 5 сарын 18
Өмнөд Солонгос, Индонезийн Ерөнхийлөгч нар уулзлаа
-
2016 оны 5 сарын 17
”Twitter” компани ирэх 14 хоногт томоохон шинэчлэл хийх гэж буйгаа мэдээллээ. Уг шинэчлэл нь 140 тэмдэгтээс илүүг илгээх боломжтой болж байгаа юм байна. Үүнд гэрэл зураг ба линкийг 140 тэмдэгтэд оруулж тооцохоо болих юм байна.
”Twitter” компаний гүйцэтгэх захирал Жек Дорси ”Шинэ дүрмийн ачаар улам олон хүн манайд нэгдэх байх гэж найдаж байна” хэмээн мэдэгджээ.
-
2016 оны 5 сарын 17
Афганистан улсын үндэстний цөөнх болох хазарчууд өнөөдөр нийслэл Кабул хотод эсэргүүцлийн жагсаал зохион байгууллаа. Хазарчууд голлон амьдардаг Афганистаны төв хэсгийн уулархаг Бамиян мужийн дагуу олон сая ам.долларын өртөг бүхий цахилгааны шугам татах ТУТАП төслийг 2013 онд өөрчилж, тус мужийн зүүн хэсэгт орших Парван мужийн газар нутгаар дайруулан барихаар болсон явдлыг эсэргүүцэн, цахилгааны шугам татах төслийг анхны төлөвлөгөөний дагуу явуулахыг шаардан уг жагсаалыг зохион байгуулсан байна. Даваа гаригийн үүрээр эхэлсэн хазарчуудын жагсаал Кабул хотын баруун хэсгээс эхэлсэн бөгөөд жагсагчид Ерөнхийлөгчийн ордныг чиглэн жагсаалаа үргэлжлүүлсэн тул хотын төв хэсэг рүү нэвтрэх гол замын уулзвар, гарцуудыг цагдаагийн албаныхан контейнер болон бетонон хавтангууд ашиглан хаасан байна. Бүрэн зэвсэглэсэн цагдаа нар болон тусгай тасгийн албан хаагчид нийслэл хотын өнцөг булан бүрийг хамгаалалтанд авч эхэлсэн байна. Учир нь өнгөрсөн жилийн 11 дүгээр сард мөн л хазарчуудын эхлүүлсэн жагсаал, цуглааны үеэр мөргөлдөөн гарч, хүчирхийлэл үйлдэгдсэн бөгөөд энэхүү байдлыг давтахгүйн тулд ийнхүү хамгаалалтыг чангатгаж байгаа талаар эрх баригчдын зүгээс мэдэгдсэн байна. Эрх баригчид жагсагчдыг Ерөнхийлөгчийн ордонд ойртохгүйгээр жагсаалаа үргэлжлүүлэхийг зөвлөсөн байна.
-
2016 оны 5 сарын 17
Колумб улсын эрх баригчид 8 гаруй тонн хэмжээ бүхий кокайныг хурааж аваад байгаа бөгөөд тэдний мэдэгдэж байгаагаар энэ нь түүхэндээ хамгийн их хэмжээний кокайныг хурааж авсан хэрэг явдал болсон байна. Энэ талаар тус услын Ерөнхийлөгч Хуан Мануэль Сантос өөрийнхөө твиттер хуудаст бичсэн бөгөөд тэрээр их хэмжээний кокайныг илрүүлэн хурааж авсан явдал нь хууль бус хар тамхины наймаа эрхлэгчдэд хүнд цохилт болсныг дурьдсан байна. Уг их хэмжээний кокайныг тус улсыннийслэл Богота хотоос 490 км-ийн зайд орших Турбо хотод байрлалтай гадил жимсний тариалангийн талбайд ухсан газар доогуурх хонгилоос олсон болохыг Үндэсний цагдаагийн албанаас мэдээлсэн байна. Мөн 359 хайрцаг бүхий эдгээр кокайн нь тус улсын кокайны наймаа эрхлэгч хамгийн том байгууллага болох Усуга бүлэглэлийнх болохыг олж тогтоосон талаар цагдаагийн албанаас мэдээлжээ. Цагдаагийн тусгай ажиллагааны үеэр 3 хүн баривчлагдсан байна. Эрх баригчдын мэдэгдсэнээр хураагдаад байгаа уг их хэмжээний кокайныг АНУ руу илгээхэд бэлэн болгосон байсан байна.
-
2016 оны 5 сарын 16
Ням гаригт Виндзорын ордонд Их Британий хатан хаан Элизабетийн 90 насны ойд зорилусан баярын цэнгүүн зохион байгуулагдлаа. Баярын арга хэмжээнд хатан хааны хамт мөн түүний нөхөр ханхүү Филип, түүний хүү хунтайж Чарльз, ач нар болох Уилльям, Харри нар болон Бахрейн улсын эзэн хаан Хамад бин Иса Аль Халифа хүндэт зочны хувиар хүрэлцэн ирж оролцсон байна. Арга хэмжээний үеэр хатан хааны хамгийн дуртай морьт цэргийн үзүүлбэрийг түүнд зориулсан байна. Энэ үдшийн арга хэмжээнд мөн Австралийн поп дуучин Кайли Миноуг болон Их Британий дуучин Беверли Найт нар ая дуугаа өргөсөн байна.
-
2016 оны 5 сарын 16
Исламын Улс бүлэглэлийн эсрэг тэмцэж байгаа олон улсын эвсэл дэх АНУ-ын тусгай төлөөлөгч ням гаригт Йорданы нийслэл Амман хотноо Исламын Улс бүлэглэл нөлөөллийн хүрээгээ алдаж эхэлсэн талаар мэдэгдлээ. Исламын Улс Бүлэглэлийн эсрэг 66 улс орны нэгдсэн эвсэлд АНУ-ыг төлөөлж байгаа, Ерөнхийлөгч Б.Обамагийн томилсон тусгай төлөөлөгч Бретт Макгурк хэлэхдээ Исламын Улс бүлэглэлийн эсрэг дайны талбарт болон интернетийн орчинд явуулж байгаа тэмцэлд олон улсын эвсэл хүчийг авч эхлээд байгаа талаар онцолсон байна. Тэрээр Исламын Улс бүлэглэл Ирак болон Сирийн нутаг дэвсгэр дээр тогтоосон хяналтаа алдаж эхлээд байгаа бөгөөд үүний үр дүнд тэдний өргөмжилдөг ”Халифат”-ын улс агшиж эхэлсэн хэмээн хэлсэн байна.
