-
2016 оны 4 сарын 29
Францын нийслэл Парис хотноо Chanel брендийн дэлгүүрийг дээрэмдсэн хэрэг гарсан байна. Дээрэм орон нутгийн цагаар пүрэв гаригийн үүрийн 5 цаг 30 минутанд үйлдэгдсэн бөгөөд дээрэмчид автомашинаар дэлгүүрийн цонхыг дайран орж, олон тооны тансаг зэрэглэлийн өндөр үнэтэй гар цүнхийг хулгайлан зугтсан байна. Дэлгүүрийг дайрсан автомашин шатаж үлдсэн бөгөөд дээрэмчдийг хичнээн тооны цүнх авсан гэдгийг одоогоор тогтоогоогүй байгаа талаар Парис хотын цагдаагийн албанаас мэдээллээ. Парисын цагдаагийн албанаас дээрмийн талаарх нэмэлт асуултанд хариулахаас татгалзсан байна. Мөн Chanel компаний төлөөлөгч ч хэрэг явдлын талаарх асуултанд ямар нэгэн хариу өгөөгүй байна. Парис хотноо энэ төрлийн дээрмийн хэргийн гарц сүүлийн жилүүдэд нэмэгдсээр байгаа билээ.
-
2016 оны 4 сарын 29
БНХАУ-ын Засгийн газраас Эквадорын газар хөдлөлтийн гамшигт өртсөн бүсэд туслах яаралтай тусламжийн эхний хэсэг Эквадорын орон нутгийн цагаар 27-ны үдээс өмнө хүрч очоод байна. Эквадорын Парламентын даргын 1-р орлогч Россана Альварадо хүлээлгэн өгөх ёслол дээр ”Хятадын Засгийн газрын яаралтай тусламжид маш их баярлаж байна. Энэ нь гамшигт өртсөн иргэдэд ихээхэн дэмжлэг болох юм” хэмээн хэлсэн байна. БНХАУ-аас Эквадорт суугаа элчин сайдын яамнаас энэ талаар мөн мэдэгдэл хийсэн байна. Мэдэгдэлд ”энэ удаа нийтдээ 5400 майхан, 10 мянган ширхэг эвхдэг ор хүргэгдэн ирсэн бөгөөд Хятадын Улаан загалмайн нийгэмлэгийн туслах баг мөн өдрийн үдээс хойш Куито хотноо хүрч, эдгээр майхан зэргийг түгээх, угсрах, хүмүүсийг бэлтгэж сургах зэрэг ажилд оролцож эхэлсэн” хэмээн танилцуулсан байна.
-
2016 оны 4 сарын 29
Сирийн гал зогсоох гэрээ зөрчигдсөөр байна. Өнгөрсөн долоо хоногт тус улсын хойд хэсэгт явагдсан тулааны үеэр нийт 200 гаруй хүн амь үрэгдсэний ихэнх нь Алеппогийн ойролцоо амьдарч байсан энгийн иргэд байсан байна. Сирийн гал зогсоох гэрээ Алеппо-д агаараас цохилт үзүүлснээр дууссан талаар Ливаны шинжээч тайлбарлан хэлсэн байна. Бейрутын Америкийн их сургуулийн профессор Хилал Хашан хэлэхдээ Женевт үргэлжилсээр байгаа Сирийн энхийн хэлэлцээр нь нөхцөл байдалд саад тотгор болж байна гээд бодит байдалд ОХУ л Сирид хамгийн нөлөө бүхий үйл ажиллагааг явуулж байгааг онцолжээ. Тиймээс Сирийн асуудлаарх ямарваа нэгэн гэрээ хэлэлцээрийг ОХУ-д байгуулах хэрэгтэй гэсэн байна. Энэ үеэр Швейцарийн Женев хотноо Сирийн асуудлаарх НҮБ-ын тусгай төлөөлөгч Стаффан Де Мистура Аюулгүйн Зөвлөлд Женевийн энхийн яриа хэлэлцээ болон Сири дэх гал зогсоох гэрээний талаар товч танилцуулгыг хийлээ. Танилцуулгын дараа сэтгүүлчидтэй хийсэн уулзалтын үеэр хэлэхдээ ”өнгөрсөн 48 цагийн дотор 25 минут тутамд нэг Сирийн иргэн амь үрэгдэж, 13 минут тутамд нэг иргэн шархадсан дундаж тоо баримт бидэнд ирээд байна” гээд гал зогсоох гэрээг гэрээг зөрчин, хүчирхийлэл үйлдэгдсээр байгаа нь энхийн яриа хэлэлцээнд саад учруулж байгааг хэлсэн байна. Тэрээр Сирийн засгийн газар гал зогсоох гэрээг олон удаа зөрчсөний улмаас өнгөрсөн долоо хоногт сөрөг хүчний төлөөлөгчид энхийн яриа хэлэлцээнд оролцохоос татгалзсан болохыг онцолсон байна.
-
2016 оны 4 сарын 29
Apple компаний ажилтан АНУ-ын Купертино хотод байрлах тус компаний төв байрны хурлын танхимд нас барсан байдалтай олдсон талаар хотын цагдаагийн албанаас мэдээлсэн байна. Санта Клара дүүргийн цагдаагийн албан хаагч, дэслэгч Андреа Урена хэлэхдээ ямар нэгэн гадны нөлөөллөөс болж нас барсан зүйл байгаагүй гэсэн байна. Мөн дүүргийн эмнэлгээс уг нас барсан эрэгтэйн үхлийн шалтгааныг мэдээлэх болно хэмээн хэлсэн байна. Компаний зүгээс уг ажилтныг ”авьяаслаг залуу ажилтан” байсан хэмээн тодорхойлсон бөгөөд уг эрэгтэйн нэр болон хувийн бусад мэдээллийг олон нийтэд дэлгэхээс татгалзсан байна. Мөн компаний зүгээс түүний гэр бүлийнхэн болон анд найзууд, хамтран ажиллагсдад гүн эмгэнэл илэрхийлсэн байна.
-
2016 оны 4 сарын 28
ШУУРХАЙ МЭДЭЭ
БНТУ-ын Бурса хотын төв гудамжид байрлах жуулчид олноор цугладаг сүмийн ойролцоо 2016 оны 4 дүгээр сарын 27-ны өдрийн 17.45 цагийн орчимд дэлбэрэлт болж 1 хүн нас барж, 7 хүн шархаджээ.
Бурса хотын захирагчийн албанаас уг дэлбэрэлтийг террорист халдлага хэмээн үзэж байгаа, халдлагыг 25 орчим насны амиа золиослогч эмэгтэй үйлдсэн байж болзошгүй талаар мэдэгдсэн байна.
Дэлбэрэлтийн улмаас нас барсан, гэмтсэн хүмүүсийн дунд Монгол Улсын иргэд байхгүй тухай Анкарад суугаа Элчин сайдын яамнаас мэдээлэв.
-
2016 оны 4 сарын 28
Тайландад агаарын хэм хэт халж, цельсийн 40 хэмээс давсан градустай өдрүүд үргэлжилсээр байна. Тус улсад 4 дүгээр сард халуун байх нь хэвийн үзэгдэл хэдий ч өдөр бүр 40 хэмээс дээш халж байгаа явдал удаан үргэлжилсээр байгаа нь сүүлийн 65 жилд тохиолдоогүй үйл явдал болж байна. Өдрийн дундаж хэм цельсийн 40 градус байгаа бөгөөд дээд тал нь 44.3 градус хүрсэн байна. Цаг уурчид энэ долоо хоногийн сүүлээр тропикийн бүсийн далайн шуурга эхлэнэ гэж хэлж байгаа ч энэ нь удаан үргэлжлэхгүй бөгөөд цельсийн 40 хэмээс давсан хэт халуун байдал 5 дугаар сарын дунд хүртэл үргэлжилэх болно гэжээ. 5 дугаар сарын дундаас эхлэн борооны улирал эхлэх юм байна. Зүүн өмнөд Азийн бүсийн улс орнуудад агаарын хэм өндөр халж байгаа явдлыг Эл Ниньо байгалийн ховор үзэгдэлтэй холбон тайлбарлаж байгаа юм. Уг үзэгдлээс шалтгаалан бүс нутагт сүүлийн хэдэн арван жилд тохиолдоогүй ган гачиг үргэлжилсээр байгаа билээ.
-
2016 оны 4 сарын 28
Өмнөд Солонгос улсын Олимпийн Хорооноос өчигдөр Рио 2016 Олимпийн наадамд оролцох тамирчдад зориулсан тусгай өмсгөлийг танилцуулаад байна. Урт ханцуйтай бэлтгэлийн цамц, өмдний хослол бүхий уг хувцсыг Зика вирусын халдвараас сэргийлэх зориулалттайгаар бүтээсэн ажээ. Тамирчдын өмсөх уг хослолыг шумуул үргээгч химийн бодисоор будсан бөгөөд Олимпийн наадмын үеэрх нээлт, бэлтгэл гэх мэт бүхий л арга хэмжээнд өмсөх ёстой гэдгийг Өмнөд Солонгосын Олимпийн Хорооноос мэдэгдсэн байна. Мөн тус хорооноос тамирчид дүрмийн дагуу зөвхөн тэмцээний үед л зориулалтын өөр хувцас, өмсгөл өмсөх болно гэсэн байна. Гэхдээ тэмцээний үеэр шумуулын эсрэг цацлага цацахыг зөвшөөрсөн талаар нэмж хэлсэн байна. Удахгүй тус хорооноос тамирчид болон Олимпийн наадмыг очиж үзэх иргэдэд зориулан Зика вирусын халдвараас хэрхэн сэргийлэх тухай иж бүрэн заавар, зааварчилгааг гаргах болно хэмээн энэ үеэр мэдэгдлээ.
-
2016 оны 4 сарын 28
Хүн төрөлхтний эв санааны нэгдлийн баяр-олимпийн наадам эхлэхэд 3-хан сарын хугацаа үлдээд байна.Рио 2016 зуны олимпийн наадамд оролцох ОХУ-ын шигшээ багийн өмсгөлийг уламжлал ёсоороо спортын бараа үйлдвэрлэгч Bosco компани ивээн тэтгэжээ.Тамирчдын Риод өмсөх 48 зүйлийн өмсгөлийг 26 янзын размерийн сонголттой гаргасан байна.Өмнө нь ОХУ-ын тамирчдын өмсгөлийг чимдэг байсан уламжлалт хээнээс энэ удаад татгалзаж,спортын хэв маягийг илүү тодотгосон загвар сонгожээ.
-
2016 оны 4 сарын 28
Салах Абдесламыг Франц улсад шилжүүлээд байна
-
2016 оны 4 сарын 28
Өмнөд Африкийн хүний эрхийн төлөө тэмцэгч, Ерөнхийлөгч асан Нельсон Манделагийн хүрэл хөшөөг Палестины Рамалла хотноо нээсэн байна. 6 метрийн өндөртэй уг хөшөө нь ӨАБНУ-ын Йоханнесбург хотоос Уэст Банкийн Рамалла хотод өгсөн бэлэг байсан талаар тус хотын дарга Мусса Хадид нээлтийн үеэр хэлсэн байна. Палестины Ерөнхийлөгч Махмуд Аббас болон Йоханнесбург хотын дарга Паркс Тау нар мөн хөшөөний нээлтийн ёслолд хүрэлцэн ирж, оролцсон байна. Нельсон Манделлагийн хөшөөг нээх ёслолд олон зуун палестинчууд оролцсон бөгөөд энэхүү арга хэмжээ мөн Апартейд дэглэмийг халсны 22 жилийн ойтой зэрэгцэн зохион байгуулагдсанаараа онцлог боллоо.
-
2016 оны 4 сарын 28
27 настай Сирийн дүрвэгч хөгжлийн бэрхшээлтэй иргэн Афин хотноо байрлах Елайонас хуарангаар Олимпийн бамбарыг барин гүйсэн байна. Тэрээр Грекийн Олимпийн Хорооны тэргүүн Спирос Капралосоос бамбарыг гардаж авсны дараагаар 1500 цагаач, дүрвэгч иргэн байрладаг уг хуарангаар ийнхүү хүн төрөлхтний эв нэгдлийн билэгдэл болсон Олимпийн бамбарыг барин гүйжээ. Ибрагим Аль Хуссейний хувьд Европ руу дүрвэхээсээ өмнө усанд сэлэлт, сагсан бөмбөг болон жудогийн спортоор хичээллэж байсан туршлагатай, мэргэжлийн тамирчин байсан ажээ. Сирийн зүүн хэсгийн Дейр Эз--Зор хотод төрж өссөн тэрээр багаасаа эхлэн Еуфрат мөрөнд сэлэлтээр хичээллэсэн юм байна. Сирийн иргэний дайны үеэр буюу 2012 онд дэлбэрэлтэнд өртөн баруун хөлөө алдсан тэрээр Турк улс руу оргон зайлж, тэндээсээ 2014 онд Грекийн зүүн эргийн Самос аралд хүрэлцэн ирсэн байна. Бусад дүрвэгсдийн адил эдийн засгийн хямралд өртсөн Грек улсыг орхин гаралгүй, эсрэгээрээ үлдэхээр шийдэж, өнөөдөр тэрээр тус улсад өөрийн гэсэн орон гэртэй болж, тодорхой ажил алба эрхлэн амьдарч байгаа юм байна. Олон Улсын Олимпийн Хорооны зүгээс энэхүү үйл явдлыг дүрвэгсдийн хямралын хохирогчдод дэмжлэг үзүүлэх билэгдлийн шинжтэй үйлдэл байсан талаар мэдэгдсэн бөгөөд Олимпийн далбаан дор 5-10 дүрвэгч иргэнийг наадамд оролцуулахаар төлөвлөж байгаагаа танилцуулсан байна.
-
2016 оны 4 сарын 27
Мягмар гаригт Перу улсын нийслэл Лима хотноо Мансууруулах бодисын эсрэг олон улсын 23 дугаар чуулган эхлээд байна. Мөнгө угаах болон хар тамхи, мансууруулах бодисын хууль бус наймааны эсрэг баримтлах бодлогын асуудлаар чуулж байгаа энэхүү олон улсын чуулга уулзалтанд дэлхийн 124 орны 500 орчим төлөөлөгчид оролцож байгаа талаар чуулганыг зохион байгуулагчдын зүгээс мэдэгдсэн байна. Мөн дээрх асуудлуудын өнөөгийн нөхцөл байдлын ярилцаж, үүний эсрэг хэрхэн тэмцэж байгаа талаар оролцогч улс орнууд харилцан туршлага хуваалцах болно гэжээ. Арга хэмжээг зохион байгуулагч Перу улсын Дотоод Хэргийн Сайд Хосе Луис Перез Гуадалупе хэлэхдээ 2015 онд тус улсад хар тамхи, мансууруулах бодисын хууль бус зөөвөрлөлтийн орлого болох 250 сая ам.доллартай тэнцэх хэмжээний мөнгийг угааж байсныг олж тогтоосон гэжээ.
-
2016 оны 4 сарын 27
Их Британий Парламентын зүгээс ”Биг Бен” цамхгийг засварлахаар болсныг мягмар гаригт албан ёсоор мэдэгдлээ. Парламентын ордны хажууд байрлах уг цамхгийг тус улсын Хатан Хаан 2 дугаар Элизабет-д хүндэтгэл үзүүлэх үүднээс ”Элизабет Цамхаг” хэмээн нэрийдсэн түүхтэй боловч ”Биг Бен” гэдэг нэрээрээ илүү алдартай билээ. Биг Бен гэдэг нь уг цамхгийн дээр байрладаг таван хонхны хамгийн томын нэр ажээ. Парламентын зүгээс цамхгийн засварын ажил 2017 оны 1 дүгээр сараас эхлэх бөгөөд 3 жилийн хугацаанд явагдана хэмээн зарласан байна. Дээрх хугацаанд цамхгийн цагны төмөр араа зэрэг бүрдэл хэсгүүдийн зэврэлтийг цэвэрлэх, нүүрний шилийг шинэчлэн солих, чулуун барилгын ус нэвчсэн хэсгийг битүүлэх, дээврийг засч шинэчлэх, хонхнуудыг цэвэрлэх болон мөн цагны ар талд шинээр ЛЕД гэрэлтүүлгийг нэмж суулгах зэрэг ажлуудыг хийж гүйцэтгэхээр төлөвлөгдсөн байна. Мөн цамхгийн оройд хүргэх цахилгаан шатыг суурилуулахаар болсныг мэдэгдсэн байна. Парламентын зүгээс сүүлийн хэдэн арван жилд хийгдээгүй уг засварын ажилд нийт 29 сая фунт буюу 42 сая ам.долларыг төсөвлөөд байгаа гэсэн байна.
-
2016 оны 4 сарын 27
Вангагийн хойд дүр
-
2016 оны 4 сарын 27
”British Motor Show” үзэсгэлэн яармаг 8 жилийн дараа ахин зохион байгуулагдана
-
2016 оны 4 сарын 26
Алберт Эйнштейний товч намтар
-
2016 оны 4 сарын 26
Чернобылийн аймшигт ослоос хойш 30 жил өнгөрчээ
-
2016 оны 4 сарын 26
Ханхүү Карл Филип хүүтэй боллоо
-
2016 оны 4 сарын 26
2016 оны Ханноверийн үзэсгэлэн яармаг өнөөдөр нээгдэж байна
-
2016 оны 4 сарын 25
Италийн эрдэмтэд Леонардо Да Винчигийн үр удмыг олж тогтоосон байна
